web counter
LEXO PA REKLAMA!

SHKARKO APP

App Store
Google Play

E fundit!

x

Sulmi në Paris, 12 të vdekur, dy oficerë policie

7 Janar 2015, 12:54, Aktualitet CNA

Dy persona të armatosur sulmuan zyrën e revistës satirike Charlie Hebdo në Paris, duke vrarë 12 persona dhe duke plagosur 5 të tjerë. Media franceze tha se dëshmitarët kanë dëgjuar të shtëna të pandërprera në zyrat e revistës e agresorët kanë vrarë me gjakftohtësi përpara se të largoheshin.
Policia ka nisur një operacion të gjerë kërkimi në zonën e Parisit për të kapur dy agresorët.
Publikimi më i fundit në Tuiter i revistës ishte një karikaturë e liderit të grupit militant, Shteti Islamik, Abu Bakr al-Baghdadi. Në të shkuarën revista është bërë e njohur për publikimin e karikaturave të profetit Muhamet të cilin e shpalli edhe kryeredaktor të vetin në vitin 2011
Zyrat e saj ranë pre e një shpërthimi në nëntor 2011, disa ditë pas publikimit të karikaturave të profetit.
?Njerëzit janë vrarë në një mënyrë barbare?, tha presidenti francez, Francois Hollande I cili shkoi menjëherë në vendngjarje. ?Ne kërcënohemi për shkak se jemi një vend i lirë?, komentoi ai.
Kryeministri britanik, David Cameron, dënoi sulmin. ?Vrasjet në Paris janë të tmerrshme. Ne i qëndrojmë pranë popullit francez në luftën kundër terrorit e në mbrojtje të lirisë së shtypit?, tha Cameron. Edhe Shtëpia e BArdhë dënoi sulmin mbi revistën franceze, duke vlerësuar lirinë e shtypit.
Ndërkaq, dy nga të vrarët, janë oficerë policie, njofton agjencia e lajmeve AFP ndërsa disa nga të plagosurit janë në gjendje kritike për jetën.
Një dëshmitar ocular tha për televizionin francez se kishte parë dy persona të maskuar e të armatosur me kallashnikovë që kishin hyrë në zyrat e revistës. Pak minuta më vonë ishin dëgjuar të shtënat. ?eshtë një masakër?, thanë zyrtarë të policisë franceze. Videot amatore tregojnë agresorët duke qëlluar me gjakftohtësi të gjithë personat që ndeshinin në ndërtesë. dëshmitarët thanë se agresorët mbanin veshje e zeza tipike të xhihadistëve të cilët janë dëgjuar të thërrasin Allhu Akbar.
Policia ka paralajmëruar median franceze të jetë në alarm pas sulmit, ndërsa vendi kishte rritur nivelin e sigurisë pas disa sulmeve përpara krishtlindjeve. Sulmi në zyrat e Charlie hebdo ndodhi në një zonë të populluar të Parisit, e cila përdoret nga makinat dhe kalimtarët për të kaluar nga një vend në tjetrin. Zyrat janë të vendosura në këtë lagje me mjaft lëvizje e mendohet se disa nga viktimat janë rastësore.





Lajmet e fundit nga