E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Seuli: Koreja e Veriut, progres për armën bërthamore

6 Janar 2015, 11:03, Aktualitet CNA

Ministria e Mbrojtjes së Koresë së Jugut njoftoi se veriu ka bërë progress drejt ndërtimit të armës bërthamore. Në një letër të sajën, ministria tha se ka kaluar kohë e mjaftueshme që nga testi i parë bërthamor në Korenë e Veriut dhe kjo kohë është zhfrytëzuar për të ndërtuar armë bërthamore. Një zyrtar i Seulit, gjithsesi, i tha një agjencie lajmesh se në fakt, nuk ka të dhëna nga shërbimet secrete për të mbështetur një pretendim të tillë, çka e bën deklaratën të konsiderohet më së shumti spekulim.
Ndërkohë, lideri i Koresë së veriut tha se është i hapur për bisedime me Jugun. ?Aftësitë e Koresë së Veriut për të ndërtuar armë bërthamore kanë arritur një nivel domethënës?, thuhet në letrën e hapur të Seulit.
Kjo arritje, sipas koreanojugorëve, do të lejonte që mjeti të vendosej në kokën e ndonjë rakete me rreze të gjatë veprimi, e që në teori do të mund të mbërrinte në Korenë e Jugut e madje edhe në Shtetet e BAshkuara. E sigurtë është që sipas zyrtarëve në kushte anonimiteti, nuk ka të dhëna nga shërbimet e inteligjencës për të mbështetur këtë pohim. Por, të njëjtat burime thanë për median ndërkombëtare se zotërimi i një teknologjie të tillë mund të përfundojë në një periudhë kohore nga dy deri në shtatë vjet, e deri më tani nga testi I parë bërthamor në Korenë e Veriut, kanë kaluar tetë vjet.
Testimet më të fundit bërthamore të Penianit datojnë në shkurt të vitit
2013, e opinion I ekspertëve ndahen në atë sesa shumë progress mund të jenë bërë në programin e zhvillimit të raketave balistike.
Por, Koreja e Jugut duket se është e sigurtë në mendimin se Veriu prezumohet të ketë aftësinë për të kërcënuar edhe territorin amerikan, pasi ka shtënë me raketa me rreze të gjatë veprimi, pesë herë.
Zyrtarët thanë sidoqoftë se nuk ka të dhëna nëse Peniani I ka aktivizuar këto raketa.
Veriu dhe Jugu I gadishullit Korean janë teknikisht në gjendje lufte pasi nuk nënshkruan marrëveshje paqeje pas konfliktit mes tyre në vitet 1950-53. Së fundmi, lideri koreanoverior në një fjalim për Vitin e Ri u tregua i hapur për bisedime të nivelit më të lartë me Jugun, duke vendosur disa kushte mes të cilave është edhe ndërprerja e strëvitjeve të përbashkëta me amerikanët nga ana e Seulit.