web counter
LEXO PA REKLAMA!

SHKARKO APP

App Store
Google Play

Pasiguria politike, tregjet globale sërish në rënie

6 Janar 2015, 10:42, Aktualitet CNA

Pasiguria politike rreth zgjedhjeve të parakohshme në Greqi, nëse vendi do t?ia dalë të qëndrojë në eurozonë apo do ta braktisë atë, së bashku me rënien pikiatë të çmimit të naftës kanë bërë që tregjet botërore të marrin përposhtë, duke dhënë sinjalin e kuq të alarmit.
Aksionet aziatike ranë me shpejtësi të martën, me indeksin e Japonisë Nikkei në një rënie prej 2.4 për qind. Në fakt, të gjitha tregjet në këtë rajon u zhytën, madje edhe aksionet kineze që kanë pasur një ecuri të lartë, u ndalën. Megjithatë, mundësia që Banka Qendrore Europiane të blejë borxhet e qeverive gjatë këtij viti si një mënyrë për të mbështetur ekonomitë europiane, për disa shihet si një perspektivë qetësuese.
Por, problem mbetet I fortë sa I takon çmimit të karburanteve, pasi rënia e tyre nuk ndalet madje nuk ka as shenja ngadalësimi të trendit në rënie. Të hënën, çmimi I naftës ra pothuajse me 6 për qind duke kapur nivelin më të ulët që prej vitit 2009. E gjithë kjo situatë sipas ekspertëve, së pari ka të bëjë me rritjen e prodhimit të naftës në Shtetet e Bashkuara, ndërsa rezervat e zbuluara në këtë vend tejkalojnë nevojën globale për furnizim.
Të gjithë këto tregues kanë sjellë edhe rënien e euros, e cila një ditë më parë arriti nivelin më të ulët record që prej nëntë vjetësh. Megjithatë, duket se në tregjet globale, pavarësisht kësaj nisjeje të vështirë të 2015, ekziston besimi se ky vit do të risjellë rimëkëmbjen në disa drejtime. Ekspertët presin të shohin nëse shifrat e publikuara nga bankat qendrore të disa vendeve dhe studimet e grupeve të biznesit do të përmbushen, pasi parashikojnë rritje ekonomike dhe dalje nga stanjacioni I vështirë I gjashtë viteve të fundit.





21:05 Aktualitet

Euroja në rënie

Euroja njeh aktualisht vetëm në një drejtim: tatëpjetë. Situ...

Lajmet e fundit nga