E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

HABERET E MITROS/ VETËM GOMERËT MARTOHEN?!

3 Janar 2015, 17:45, Aktualitet CNA

Nga Mitro CELA

Një rreze dielli dhe Ezmerkën nuk e zinte shtëpia. Qëndruam para një lokali në Golem. Shtyva derën. Nga banaku u dëgjua një zë: “Është nder që një demokrat I sahatëve të parë, futet në lokalin tim!”
-Ky është djali,- tha pronari.- Është stundent në vitin e parë të arqitekturës.
Pranë I rrinte një vajzë gjithë nur. E pikasa. Djalin e kishte zënë një fatkeqësi e madhe: Kishte “thyer këmbën”: Ishte fejuar që në djep!
-Po pse e bërë këtë gabim, more Kristaq,-thashë unë. -Pse ndjek shëmbullin e të marrëve, dmth. timin dhe të babait tënd që u martuam nga halli, sepse jetonim në diktaturë!
Demokracia ka rregulla të tjera: Më të bukura, më moderne, më të fisme. Të pëlqen një çupë! Puthe dhe hidh kupa, siç thoshte Kajami kur jetonte mes të gjallëve. U ngope? Ndërro gjëllën: Përmbys kupën dhe zërë të puthësh ndonjë çupë tjetër. Në demokraci është lehtë të gjesh një partner. Por shumë e vështirë të gjesh një burrë. Ose e kundërta. Duke marrë ?kurajo? nga kujtimet, nisa të tregoj një barcaletë, edhe pse Ezmerka ma bëri këmbën copë, ma majën e takës:
-I thotë kërriçi, gomarit: ?Baba, dua të martohem!? ? ?Biri im, vetëm gomarët martohen!?
Duke parë vajzën, më ra një kujtim, nga vitet kur punoja tek “Zeri I Popullit”. Më tha një ditë sekretari i partisë: Sa pranvera mbushe Mitro xhani?…Rreth tridhjetë e tre….Po pse nuk çiftose, apo të pëlqen të bredhësh lule më lule, sipas teorisë se Mao Ce Dunit!
Në atë mot ishim majë e thikë me Kinën. Sot jemi mish e thua?…Të them nje fakt? Ambasada kineze, mori me qira një aeroplan privat. Pagoi qimet e kokës, vetëm e vetëm që Rama te flasi mes studentëve kinezë për ?Rilindjen? socialiste?!
Pa kaluar 6 muajve u fejova…?Kam një problem,- më tha Ezmerka.- Daja im ka qënë në burg për politikë!?Më erdhi pak “festia vërdall”, por nuk e dhashë veten. Për dy arsye. Çupa I plotësonte shijet e mia: Ishte Ezmere lezet me kripë-Në rini pëlqeja ezmere. Sot kam sevda për leshverdhat.
I them sekretari të partisët, pasi i shtrova një drekë tek “Taivani”: E zbatova direktivën e partisë-u fejova! Po nusia ka një kleçkë të vogël ne biografi?
-…Por ty sikur të thanë të merie vajzën e shokut S.S, anëtarit i Byrosë Politike?!?Më kanë folur fjalë shumë të mira për të!?Edhe mua, por vinte pak e vëngër!?
-Mitro xhani! Kur vajza ka biografi të mirë, I mbulohen cenet e trupit! Ti the për dajën? Ka ardhur një udhëzim I ri: Për punë të martesës ndikojnë vetëm të dënuarit nga babai!?