Viti i Ri, dhuratat që nuk duhet të bëni

31 Dhjetor 2014, 13:00, Aktualitet CNA

Të bësh një dhuratë për një person special, shpesh herë është e vështirë. Por për t?ua bërë më të lehtë këtë gjë, ne po ju sjellim disa nga dhuratat ose blerjet që nuk duhet të bëni për festat. Ja cilat janë ato:

Portofoli

Portofoli është një objekt shumë personal, edhe pse në përshtypje të parë nuk duket kështu. Në të, çdokush mban gjëra personale dhe zgjedhja e një të tilli është shumë e vështirë për t?ia dhuruar tjetrit.

Shalli ose kravata

Këto janë dhuratat më të zakonshme dhe njëkohësisht ato që mbajnë vendin e parë për banalitetin, nëse do ta quanim kështu. Pothuajse të gjithë pa përjashtim kemi dhuruar dhe kemi marrë një dhuratë të tillë dhe për këtë fakt, tashmë shalli dhe kravata janë kthyer në dhurata klishe.

Parfumi

Edhe kjo është një ndër dhuratat më të shpeshta. Për më tepër, kush e merr, mund të mendojë se parfumi i tjetrit nuk është aq i mirë për nga aroma që i jep të gjithë trupit. Gjithsesi, nëse tashmë keni vendosur që të dhuroni një të tillë, sigurohuni që t?i dini mirë preferencat e personit që do ta marrë atë.

Një pajisje elektroshtëpiake

Kjo do të ishte një dhuratë shumë e kotë në kuptimin e vërtetë të fjalës, nëse gjyshja, nëna, vjehrra etj., kanë shumë të tilla e nuk kanë nevojë për ndonjë në veçanti. Akoma më keq do të ishte, nëse do t?ia dhuronit një feministeje, e cila do ta shihte si një ofendim ndaj pavarësisë së saj si grua.

Bileta llotarie

Edhe pse një shoqja apo shoku juaj mund të jetë i/e pasionuar ndaj një bilete të tillë, do të ishte më mirë që të mos e dhuronit për festat e fundvitit. Do të dukej më shumë si një mungesë ideje për dhuratë ose si harresë për momentin e fundit.

Qirinjtë

Qirinjtë, edhe pse gjatë festave janë shumë të pranishëm, nuk janë një dhuratë e bukur apo e vlerësuar nga të gjithë. Për disa mund të jetë një dhuratë tepër e rafinuar dhe për disa të tjerë diçka shumë qesharake dhe e paktë.

Një film në DVD

Nëse dikur kjo ishte një dhuratë shumë e përhapur, tashmë nuk ka asnjë vlerë, sepse pothuajse të gjithë mund të shohin filmin më të fundit në saj të faqeve të ndryshme në internet. Ky i fundit duket se është kthyer në një ?pjesëtar? të vërtetë në të gjitha familjet.

Një këshillë e fundit

Dhe pyetja pas gjithçkaje të sipërpërmendur lind natyrshëm: Por çfarë duhet dhuruar për Vit të Ri? Në të vërtetë, nga të gjitha këto dhurata që renditëm më lart, nuk ekziston një e duhur apo e gabuar. E rëndësishme, si gjithmonë, është që të kuptoni të gjeni diçka, e cila është e përshtatshme për personin që e merr. Pra, mendoni vetëm për të. Nuk ka dhuratë më të mirë!