Ja debatet në grupin e PD-së

23 Dhjetor 2014, 10:08, Aktualitet CNA

Mbledhja e djeshme e grupit parlamentar të PD-së është shoqëruar me debate të shumta.
Shkak për këtë arsye është bërë shmangia e grupit nga ana e Bashës dhe Berishës, të cilët deri më tani kanë vepruar pa i pyetur deputetët për bojkotin e Kuvendit.

Ndërsa Berisha dhe Basha kanë krijuar idenë se mund të mos hyjnë në Kuvend ngaqë nuk kanë akoma një reflektim nga shumica, kontestuesit e këtij qëndrimi kanë qenë më të ashpër dhe më të shumtë në numër.
Deputeti Strazimiri, i cili u përdor dhe si shkak për të ikur nga Kuvendi, ka kërkuar të digjen mandatet dhe të mos shkohet në Kuvend.
?Ne nuk jemi burokratë . Kush na i ka dhënë mandatet??, ka thënë Strazimiri.
Ndaj tij ka reaguar ashpër Ruli duke injoruar qëndrimin e tij prej ?konsomolasi? dhe duke theksuar se ndaj këtij vendimi duhet seriozitet dhe përgjegjshmëri.
Të ashpër në qëndrime kanë qenë dhe Patozi dhe Bregu, të cilët kanë kërkuar prej Bashës një qëndrim të qartë se cfarë duhet të bëjnë në datë 24 Dhjetor.
Berisha ka lënë të kuptohet se është i qartë se Rama nuk do t?ua plotësojë kushtet dhe ka theksuar se për vendimin duhet të vendosin forumet e reja të zgjedhura të PD.
?Palët janë afër, por unë që e njoh mirë dhe iu garantoi se ai është si Thimoksiu, pasi ka koncept rudimentar dhe armiqësor ndaj opozitës. Bojkoti është një lloj fatkeqësie e imponuar, por midis demokracisë dhe bojkotit, unë zgjedh demokracinë.
A do t?u fusë ai shkelmin negociatave? Unë them se po!, theksoi Berisha. Ky ishte qëndrim i Berishës dh ebrenda në grup parlamentar q ëu kudnërshtua nga Imami. Kur thotë demokrci Berisha ka parasysh forumet e reja të PD të cilat duhet të vendosin për bojkotin?, është shprehur Berisha.
Këtu ka replikuar dhe Imami i cili ka theksuar se për vendimet e grupit duhet të vendosë vetë grupi parlamentar.

Imami
Kjo ka bërë që të ngrejë zërin edhe Arben Imami.
Ai ka replikuar me Berishën, kur ky i fundit ka thënë se për vazhdimin apo jo të bojkotit, do të vendosin forumet e PD-së.
?Nuk mund të vendosë Këshilli Kombëtar për mandatet, pasi një gjë të tillë fillimisht duhet ta bëjë vetë grupi?, mësohet të ketë thënë Imami gjatë mbledhjes së djeshme

Ironia e Patozit
Lulzim Basha është kujtuar dje që të mbledhë pas 4 muajsh grupin parlamentar të PD-së.
Dhe, kjo nuk mund të kalonte pa ironinë e ish-kreut të grupit parlamentar, Astrit Patozi.
?Zoti kryetar, faleminderit që ke mbledhur grupin parlamentar pas 4 muajsh dhe mirë që erdhi z.Kukan që ne po bëjmë mbledhje grupi pas 4 muajsh.
Meqë jemi pa praninë e mediave, mund të kemi një informacion se cilat janë pikat konkrete të marrëveshjes dhe deri ku kanë shkuar negociatat?, raportohet sipas ?GSH, të ketë thënë Patozi.
Në këtë mbledhje ka pasur kritika edhe nga deputetë të tjerë, mes të cilëve Mesila Doda e Majlinda Bregu, që kanë kërkuar rikthimin e opozitës në Kuvend.