Kukan-Basha: T’i japim fund këtij ngërçi

22 Dhjetor 2014, 10:22, Aktualitet CNA

Eduard Kukan, europarlamentari që nisi mbrëmjen e djeshme vizitën në Tiranë për të ndërmjetësuar mes Partisë Demokratike dhe mazhorancës qeverisëse të kryesuar nga Partia Socialiste për arritjen e një marrëveshjeje që do t?i jepte fund bojkotit parlamentar nga ana e demokratëve nisi serinë e takimeve me kreun e PD-së Lulzim Basha.
Pas rreth 50 minutash takim me kreun demokrat, Kukan ka pohuar ?erdha për të vazhduar bisedimet që u nisën nga Fleckenstein, kolegu nga Parlamenti Evropian dhe pata takime me liderët politikë me qëllimin për të arritur një dialog politik në Shqipëri, gjë që është shumë e rëndësishme për vendin në vazhdimin e procedurave për rrugën drejt Evropës në mënyrë të suksesshme.
Kjo është ajo çfarë po bëj tani, jam në një kontakt të vazhdueshëm me Fleckentesin pasi duam të veprojmë dorë më dorë me shpresën për të pasur një rezultat, e për t?i dhënë fund këtij ngërçi?, tha Kukan?.
I pyetur nëse ka marrëveshje dhe nese do te kete rezolute, Kukan u shpreh ?ne po diskutojmë?.
Në përfundim të takimeve me Kukan, Partia Demokratike dhe Partia Socialiste kanë njoftuar mbledhjen e grupeve respektove parlamentare, që pritet të zhvillohen në orën 13:00, në selinë e demokratëve dhe atë të socialistëve.
Takimet e Kukan pasojnë bisedimet e zhvilluara tre ditë më parë nga eurodeputeti Knut Fleckenstain me krerët e politikës shqiptarë, për të njëjtin qëllim, arritjen e marrëveshjes mes PS-së dhe PD-së.
Krahas kërkesave të realizuara deri më tani nga mazhoranca, pikat që përbëjnë shtyllën kryesore të marrëveshjes që do të nënshkruhet mes palëve nën garancinë e ndërkombëtarëve do të jenë ato që kanë të bëjnë me një bashkëpunim intensiv për politikat integruese dhe drafti për dekriminalizimin e parlamentit.
Kukan së bashku me negociatorin tjetër Flenkeshtein janë shprehur që në fillim të herës që nëse do të ekzistojë vullneti i mirë, faktori politik do të arrijë të nënshkruajë marrëveshjen që do të rikthente opozitën në Parlament.
Gjatë ditëve të fundit, PD ka nënvizuar ligjin për dekriminalizimin e Parlamentit si kushtin kryesor për rikthimin e opozitës në Kuvend, ndërkohë që përfaqsëuesit e mazhorancës kanë dhënë garancinë se nëse ligji do të ofrohet brenda 3 muajve të parë të vitit 2015, do ta kalojnë për votim.