web counter
LEXO PA REKLAMA!

SHKARKO APP

App Store
Google Play

E fundit!

x

Rama: Pistë akulli për turistët në Korcë

19 Dhjetor 2014, 19:38, Aktualitet CNA

Një pistë akulli në sheshin e rindërtuar të Korçës, do të jetë gati ditën e Krishtlindjeve dhe një suprizë befasuese për të gjithë.
Ndërsa ka inspektuar sot disa projekte në juglindje të vendit, duke nisur nga qyteti i Maliqit, në rrjetin social ?Facebook?, Kryeministri Edi Rama bën të ditur se ?pista e akullit në sheshin e rindërtuar të Korçës, që ditën e Krishtlindjeve do të jetë gati për të befasuar turistët.
?Korça ka vite që është vendi më i bukur për festat?, është shprehur sot kreu i Qeverisë, Edi Rama, ndërsa ka vizituar projektet që janë duke u realizuar në këtë qytet.
Gjithashtu, ai ka publikuar edhe tri fotografi të tjera me diçiturën: ?Një perlë e trashëgimisë sonë kulturore, Xhamia e Iljaz Bej Mirahorit në Korçë, e sapo rinxjerrë nga pluhuri i rrënimit si dhe Pazari i Korçës, një tjetër perlë e zhytur në rrënim e baltë që është bërë pjesë e kantiereve të Rilindjes Urbane.?
Kryeministri Rama ka kryer sot një inspektim në juglindje të vendit, duke nisur nga qyteti i Maliqit, ku pa nga afër punimet në bulevardin kryesor të qytetit si dhe vizitoi një firmë të përpunimit të drurit. Kreu i qeverisë tha se qeveria kritikohet nga kundërshtarët se bën shumë gjëra e shpejt, ndërkohë që nuk harroi të përmendte pagesën e rregullt të energjisë elektrike.
Vetë pronari i fabrikës tha se janë punësuar 70 njerëz në një fabrikë që riciklon mbetjet e drurit në trajtë bio. Turi i inspektimeve të Kryeministrit Rama vijoi në Korçë, ku pa nga afër investimet që po kryen bashkia tek zona e Parkut Rinia, zona e Pazarit të vjetër si edhe tek sheshi para teatrit të qytetit, ku pritet të inaugurohet kulla e re si edhe tek pista e patinazhit.





Lajmet e fundit nga