Ja 13 grabitjet të “Babagjyshëve”

18 Dhjetor 2014, 18:52, Aktualitet CNA

Zbardhen 13 vjedhje të kryera nga ?babagjyshët? grabitës, pasi njëri prej të arrestuarve, ka pranuar të flase dhe te bashkëpunoje me drejtësinë.
Augustin Sula, i dënuar me 23 vjet burg për vjedhje me dhunë dhe plagosje, ka rrëfyer para prokurorit Besnik Muçi, të gjitha krimet e ?bandës? së drejtuar nga Ilir Kupa, që tashmë ndodhet i izoluar në qeli, raporton ABC News.
Ai u ka thënë hetuesve, se banda është formuar pas ardhjes në Shqipëri të Ilir Kupës, i arratisur nga burgu i Trikallës.
Me grupin janë bashkuar edhe Fatmir Pjetri e Dritan Kola, ky i fundit vëllai i Marjan Kolës, o vrarë nga policia greke.
Këta persona mendohet se edhe në Greqi kanë kryer grabitje të ngjashme, për të cilat janë dënuar dhe shpallur në kërkim. Ndërkohë, bandës së Kupës, në Shqipëri, i janë bashkuar edhe Hajdar Sefa, Julian Qerishta dhe i vrari gjatë grabitjes në Maqedoni, Miljan Elezi.
Sipas prokurorisë, edhe pas arrestimit të Ilir Kupës, ky i fundit ka arritur të mbaje kontakte me grupin edhe nga qelia dhe ne disa raste jepte udhezime per mënyrën e grabitjeve.
SIpas akuzës, 4 të arrestuarit dhe dy të shpallurit në kërkim, ne nje vit, kanë arritur të grabisin shuma të mëdha parash dhe rreth 20 kg flori, që mendohet se e kanë shitur në dyqane të ndryshme në Kosovë dhe Shqipëri. Parate e fituara, sipas hetuesve, i kanë harxhuar në kazino dhe lokale nate, pasi njiheshin si persona me jete te çrregullt.
Për identifikimin e të dyshuarve, prokurorët thonë, se jane ndihmuar nga gjurmët e gishtave, pamjet filmike të kamerave të sigurisë si dhe materialet e ardhura nga Maqedonia, gjatë grabitjes ku mbeti i vrarë, MIljan Elezi.
Gjatë marrjes në pyetje, disa nga të dyshuarit, nuk kanë pranuar të japin shpjegime, duke kërkuar kohë të njihen me provat e prokurorisë.
Sipas organit te akuzes, të arrestuarit vjedhjet i kryenin në grupe te perbere nga 3 deri 5 persona, duke ndarë edhe rolet per cdo akt. Në të gjitha grabitjet, ata kanë përdorur makina, qe i vidhnin dhe me pas i digjnin. Këtë mënyrë, kanë përdorur edhe në vjedhjen e biznesit të deputetit Mark Frroku në kombinat, si dhe te qendrës tregtare, e cila ka ndihmuar me pamjet filmike.