web counter
LEXO PA REKLAMA!

SHKARKO APP

App Store
Google Play

“Çmimin e Solidaritetit Social 2014” z. Ahmet Çalik President i Çalik Holding

19 Dhjetor 2014, 18:03, Aktualitet CNA

Ministria e Mirëqenies Sociale dhe Rinisë nderoi sot me Çmimin e Solidaritetit Social për vitin 2014, Ahmet Çalik, President i Çalik Holding, me motivacionin: ?Për vëmendje dhe kontribut të veçantë të kompanive Çalik Holding në Shqipëri?.

Ceremonia e dorëzimit të çmimit u zhvillua në Shtëpinë e Fëmijës ?Zyber Hallulli? në Tiranë, në prani edhe të Ambasadorit të Republikës së Turqisë, Hidayet Bayraktar.

Në fjalën e tij, ministri Veliaj falenderoi z. Çalik për kontributin social që kompanitë e tij kanë dhënë në Shqipëri, duke nënvizuar se ky është një shembull i mirë për t?u ndjekur. ?Ajo që z. Çalik dhe grupin e tij e bën të madh në sytë e fëmijëve në nevojë, nuk është suksesi ekonomik, financiar apo i biznesit, por dashuria e madhe me të cilën kanë ndërtuar një kinema të re për ta, si kjo në shtëpinë e fëmijës. Ky investim është një nga shumë investimet që Çalik Holding ka bërë në disa nga shtëpitë e fëmijës?, tha Veliaj.

Çalik tha se ky çmim u shkon punonjësve të kompanive që operojnë në Shqipëri. ?Ne do të vazhdojmë të kontribuojmë. Unë jam i gëzuar që grupi më i madh i telekomunikacionit në Shqipëri, kanë kontribuar për fëmijët?, u shpreh ai.

Gjatë këtij viti, kompanitë Albtelecom, Eagle Mobile dhe BKT kanë kontribuar në rinovimin e mobiljeve të Shtëpisë së Fëmijës në Sarandë; restaurimin e Shtëpisë së Fëmijës në Vlorë, Qendra Sociale e Velipojës, Salla e kinemasë së ?Zyber Hallullit?; janë dhuruar pajosje mjekësore për sektorin e shëndetësisë; është ofruar internet falas për Shtëpitë e Fëmijës në Shkodër etj.





Lajmet e fundit nga