web counter
LEXO PA REKLAMA!

SHKARKO APP

App Store
Google Play

E fundit!

x

Mosha më e mirë për të filluar një dietë është…

19 Dhjetor 2014, 12:00, Lifestyle CNA

Një studim i ri në fushën e dietikës ka zbuluar se mosha 32 vjeç është idealja për të filluar një dietë! Arsyet i gjeni më poshtë?

Sipas një kërkimi të ri shkencor, mosha 32 vjeçe përbën moshën ideale për një femër për të mbajtur një dietë. Për tridhjetedyvjeçaret humbja e peshës duhet të jetë më e lehtë. Sa u takon meshkujve, momenti më i mirë është në ditëlindjen e tridhjetenjëtë.

Pas 30 vjetëve mbajtja e një diete është më e lehtë

Për të dyja gjinitë arritja e moshës 30-vjeçare paraqet një moment optimal për të humbur peshë: një ndryshim i vërtetë në jetën e tyre që tregon kalimin në moshën e rritur, por që është e nevojshme për ta përballuar duke qëndruar të shëndetshëm dhe në formë, si në moshën 20-vjeçare. Kur mbushin 40 vjeç, njerëzit kujdesen më pak për aspektin e tyre të jashtëm fizik!

Studimi, i kryer te 1000 persona nën kujdesin e shoqatës së dobësimit ?Forza Supplements?, tregoi se mosha 30 vjeç paraqet një moment historik në jetë e që me të vërtetë ndihmon në qasjen te një dietë. Pjesa më e madhe e të intervistuarve, rreth 82 për qind, ka pranuar se pas të tridhjetave është më e thjeshtë të mbash besnikërisht një regjim ushqimor më të mirë e të shëndetshëm.

Më shumë se një e treta e grupit femëror, 37%, deklaroi se mosha më e mirë për të humbur peshë është midis 30-35 vjeç, duke identifikuar si absolutisht më të mirën moshën 32 vjeç. Një faktor tjetër që ndikon në humbjen e peshës te gratë paraqitet nga satisfaksioni i të qenit nënë. Në të kaluarën, mosha e mesme për të pasur fëmijën e parë ishte rreth moshës 28 vjeç, ndërsa tani mosha e mesme është rritur deri në 40 vjeç. Humbja e kileve të shtatzënisë duket se është një iniciativë shumë e mirë për kujdesen e trupit dhe për të filluar një dietë.

56 për qind e grave të intervistuara kanë pasur më pak vështirësi për të humbur kile pas lindjes së parë.

Martesa ndihmon në dobësim

Edhe martesa paraqet një faktor të rëndësishëm që i ndihmon gratë të humbin peshë, qoftë para ashtu dhe pas. Pasi ka ndërtuar një familje, një grua dëshiron të mbajë një stil jete më të shëndetshëm, me një kujdes tjetër ndaj ushqimit. Ndërsa për burrat, mosha më e mirë për të humbur peshë do të rezultonte në 31 vjeç.

Pasi kalojnë moshën 30 vjeç, burrat përballen me shokun për të qëndruar në formë dhe për të humbur peshë. 36 për qind e tyre ka pranuar se mes moshës 30-35 vjeç është më e lehtë të humbësh peshë. Ndërkaq, drejtori i Forza Supplements, Lee Smith, ka deklaruar se: ?Nuk ka dyshim se arritja e moshës 30 vjeç paraqet një moment të rëndësishëm për të dyja gjinitë dhe të gjithë do të donin që nga ai moment e më pas të përpiqeshin për të ?ndalur? kohën dhe për ta kthyer mbrapsht. Është pikërisht kjo mosha e duhur për të filluar një dietë, sepse është momenti në të cilin provojmë përqendrimin e duhur dhe fokusimin e objektivave të jetës sonë?.

Shtimi dhe humbja në peshë

Shtimi në peshë është më se i dëmshëm, këtë e dimë të gjithë. Ndërkohë, rënia në peshë është diçka, që shumë njerëz, sidomos gra, duan ta bëjnë duke u sforcuar me receta të dëmshme. Në fakt, femrave në të vërtetë ju mungon testosteroni, por në palestër ato mund të arrijnë të vënë muskuj të vërtetë. Është e vërtetë se kur ju filloni rënien në peshë, duke përdorur një program trajnimi, ju në përgjithësi fitoni pak peshë përpara se të filloni ta humbni atë, por kjo është thjesht për shkak se muskujt peshojnë më shumë se yndyra. Nëse ju doni të merrni formë të bukur, të dukeni edhe më dinjitozë, kjo do t?ju ndihmojë të digjni më shumë kalori. Studimet kanë treguar se stërvitja, sidomos në mëngjes, nxit metabolizmin tuaj për pjesën tjetër të ditës.





Lajmet e fundit nga