Meta: Basha zhgënjyes dhe desktruktiv

16 Dhjetor 2014, 12:27, Aktualitet CNA

Kryetari i Kuvendit, Ilir Meta i cilësoi ?zhgënjyese dhe desktruktive? qëndrimet e Partisë Demokratike pas vendimit të djeshëm të Gjykatës Kushtetuese për të lënë në fuqi ligjin ?Për ndarjen e re territoriale?.
?Pas vendimit të Kushtetueses dje, deklarata e kryetarit të PD-së, Lulzim Basha është një zhgënjim i thellë. Dhe besoj se është kështu për të gjithë ata që prej kohësh kanë dëgjuar nga zoti Basha dhe nga PD si pretendim kryesor pikërisht insistimin për të respektuar vendimet e Kushtetueses nga ana e maxhorancës.
Por, pikërisht në një moment kur Kushtetuesja jep një vendim të qartë, i cili nuk shkon në drejtimin dhe kërkesën e PD-së kemi një kundërshtim të këtij vendimi.
Dhe jo vetëm kaq, por kemi reagime vërtet destruktive, të cilat tregojnë qartë se opozita jonë ka nevojë të bëhet më e përgjegjshme dhe më parimore e të mos akuzojë maxhorancën për standarde të dyfishta, ndërkohë që vetë abuzon dhe e bën këtë?, u shpreh Meta në një prononcim për mediat.
Ai i kërkoi Partisë Demokratike që të vazhdojë të mbetet principiale në qëndrimet e saj dhe të respektojë vendimet e Gjykatës Kushtetuese.
Duke iu përgjigjir deklarimeve të Kryetarit të PD në lidhje me këtë reformë, Meta tha se Lulzim Bashën askush nuk e pengon ta rifitojë Tiranën në zgjedhjet e ardhshme vendore, madje ai është i favorizuar për ta rifituar atë pas reformës territoriale, që e ka dyfishuar bashkinë e Tiranës.
?Duke numëruar sesa bashki janë bërë në Jug, Veri, Juglindje apo Verilindje, pretendimet janë qesharake. Ne e dimë të gjithë se këto janë zgjedhje vendore, s?janë politike.
Përsa i takon politikeve, s?ka asnjë ndryshim, se ne mbetemi me 12 qarqe, me konsensus të plotë mes palëve dhe nuk ndryshon asgjë.
Nëse do të ishte ndokush i favorizuar, ajo do të ishte opozita dhe personalisht z.Basha, se ata e kanë Bashkinë e Tiranës. Ajo është dyfishuar në sajë të reformës në krahasim me atë që është sot dhe askush s?i pengon të rizgjidhen dhe ta fitojnë. Pretendime të tilla janë mëse absurde, nuk impresionojnë asnjë.
I ftoj të mbeten principalë dhe të kërkojnë respektimin e vendimeve të Gjykatës Kushtetuese?, tha Meta.