Arsyet “e thjeshta” të humbjes së flokëve

12 Dhjetor 2014, 21:00, Lifestyle CNA

Nëse vini re se flokët ju bien, nuk duhet menjëherë të bëni panik. Arsyet mund të jenë jashtëzakonisht të thjeshta, që nga mungesa e vitaminave e deri te faktorët trashëgues. Ju paraqesim arsyet e thjeshta të humbjes së flokëve ndaj të cilave nuk duhet që menjëherë të keni frikë.

– Stresi fizik dhe emocional: Çdo traumë fizike, që nga operacioni, aksidentet, e deri tek dietat e rrepta, mund të shkaktojnë humbje të përkohshme flokësh. Pra, stresi fizik apo psikologjik nxit rënien e flokëve. ?Kur kalojmë një shok emocional, ai do të godasë së pari flokët dhe lëkurën?, shpjegon dermatologu amerikan, Marc Glashofer. Stresi është armiku numër një i shëndetit dhe shkakton jo vetëm rënie të theksuar flokësh, por shton edhe thinjat. Duhet të ndërmerrni hapa të duhur për të luftuar stresin dhe ankthin, duke u marrë më shumë me aktivitet sportiv, terapi ose duke folur me një mik.

– Hormonet: Ashtu si dhe në shtatzëni, ndryshimi hormonal tek femrat mund të shkaktojë rënie flokësh. Kjo vjen si pasojë e çrregullimit hormonal, po ashtu edhe gjatë menopauzës mund të ketë rënie flokësh.

– Mungesa e proteinave: Nëse nuk konsumoni sasi të mjaftueshme proteinash, atëherë kjo mund të jetë një nga arsyet pse keni rënie floku. Prandaj, duhet të konsumoni ushqime me bazë proteinash, përfshirë mishin, peshkun dhe vezët.

– Trashëgimia: ?Nëse prindërit tuaj kanë pasur rënie flokësh në një moshë të caktuar, nuk përjashtohet mundësia që këtë fat ta keni edhe ju?, thotë Dr. Glashofer.

– Shtatzënia: Shtatzënia është një nga arsyet pse një grua ka rënie flokësh. Në fakt floku bie më shumë pas lindjes së fëmijës sesa gjatë shtatzënisë. Përsëri edhe në këtë rast nuk duhet të shqetësoheni, pasi floku do të dalë përsëri pas pak muajsh, shton dr. Glashofer.

– Anemia: Pothuajse një në 10 gra të moshës 2049 vjeçare vuan nga anemia si pasojë e mungesës së hekurit. Kjo sëmundje është përgjegjëse edhe për rënien e madhe të flokut. Mjekët thonë se kjo mund të zgjidhet duke marrë hekur në formë shtojce. Ata thonë gjithashtu se personat të cilët vuajnë nga anemia nuk kanë vetëm probleme me rënien e flokut, por kanë edhe marramendje, dhembje koke, zbehje në fytyrë dhe gjymtyrë të ftohta.

– Çrregullimi i gjëndrës tiroide: Kur organizmi prodhon tepër shumë hormone të gjëndrës tiroide, atëherë kjo bëhet problem për metabolizmin, ndërkohë që çrregullimet ndikojnë në rënien e flokëve.

– Rënia dramatike nga pesha: Rënia dramatike nga pesha shihet si një formë traume fizike që mund të çojë në dobësimin e fijeve të flokut. Kjo gjë do të shkaktojë rënie flokësh, për shkak se trupi nuk ushqehet si duhet dhe nuk i merr të gjitha vitaminat dhe mineralet e duhura. Humbja e madhe e flokëve mund të jetë shenjë e një çrregullimi e të ushqyerit.