E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në pa...

Mentaliteti i rrugicës, i Niko Peleshit, po pushton edhe kulturën kombëtare

14 Nëntor 2014, 23:00, Politikë CNA

Nga Erget Cenolli

-Në korridoret e ngushta dhe pa dritë, me të shkuar kriminale, të komitetit të Partisë së Punës, do të ndrydhet kultura marëkombatare dymijëvjevjeçare që ndodhet në arkivat e Bibliotekës ?Thimi Mitko?-

Para dy ditësh shpjegova në një shkrim se, ngushtimi rrugëve prej projektit ?Peleshi? është si rezulatat i mentalitetit të rrugicës që zoti Niko Peleshi ka në nënvetëdije. Atë ditë shumë militantë të partisë në pushtet e uvërsulën me shumë fjalë banale dhe sharje personale, duke u munduar të justifikojnë se ky ngusëhtim bëhet për të mirën e popullit.

Por, mentaliteti i zotit Peleshi dhe bashkëpuntorëve të tij, nuk qëndroi vetëm tek rrugicëzimi i akseve më të populluara të qytetit po shkoi edhe më tej. 24 orët e fundit dëgjuam një ?çudi? tjetër të madhe; Biblioteka ?Thimi Mitko? e qytetit tonë do të zhvendoset tek ambientet e prefekturës dhe prefektura do të marrë godinën e Bibliotekës. Pra shohim se metastazat e ?meentalitetit të rrugicës të Niko Peleshit?, po shtrihen edhe në frymëmarjen e kulturës sonë kombëtare, pasi dihet që Biblioteka e Korçës është pjesë integrale e kulturës sonë kombëtare.
Biblioteka ?Thimi Mitko? është ndërtuar në gjysmën e parë të viteve ?70 të shekullit të kaluar, në themelet e kishës së Shën Gjergjit e cila nga ana e saj ishte ndërtuar në vitin 1898 prej Rilindasit të madh Anastas Avramidhi Lakçe (Korça). Prishja e kësaj kishe u inicua dhe ekzekutua në vitin 1967 – 68 prej ishsekretarit të parë të aty viteveshokut Mihallaq Ziçishti, i cili si një komunist lunatik, inicoi dhe ekzekutoi edhe prishjen e Mitropolisë së Shenjtë në Korçë. Ndërtimi i kësaj biblioteke, me sa mbaj mend u projektua prej zotit Petraq Kolevica. Bilbioteka është ndërtuar në një vend ku përfundojnë rrugët dhe rrugicat më kryesore të qytetit, ajo merr dritë nga të gjitha anët bile edhe nga pjesa e sipërme. Sallat e saj janë të mëdha dhe të përshtatshme për lexim dhe studim, bodrumet janë ndërtuar të gjera dhe të izoluara mirë, për mos depërtimin e lagështirës, pasi aty ëhstë vendosur gjithë fondi bilbiografik dhe albanologjik, me vlerë mbarëkombëtare. Po prefektura?
Ajo është ndërtuar në fillim të viteve ?80, në një zonë qëndrore të qytetit ku kishte vetëm shtëpi karakteristike korçare. Prishja e tyre ishte prishja e vetë karakterit arkitektonik- historik të qyteti. Kjo ndërtesë pati si destinacion vendosjen e zyrave të komitetit të partis të rrethit të Korçës. Zyrat dhe ambientet e saj janë të ngushta me dritare në formë frëngjie, autentike për disa zyra ku merreshin vendime për dënimin politik të njerëzve dhe familjeve kundërshtare të regjimit apo bëheshin allishverishe për të goditur dhe varrosur politikisht njerëz të ndershëm të cilët nuk shiheshin me sy të mirë nga ëshilli popullar i lagjes, nga sekretarët e partive nëpër ndërmarrje, nga spiunët dhe provokatorët që gëlonin në çdo rrugicë, pallat apo fshat. Këto zyra ishin dhe mbeten zyrat e shpifjeve dhe të denigrimt të nëndheshëm partiak.
Pikërisht në këto koridore të ngushta, në këto dhoma në trajtë plevice dhe ambiente të errëta dhe pa dritë , mentaliteti peleshist do të vendosë biliotekën e qytetit, do të ndrydhë kulturën kombëre shqiptare, albanologjinë që është pasuria më e madhe që kombi shqiptar ka krijuar dy mijë vitet e fundit.
Ndërkohë sallat e mëdha dhe plot dritë të Bibliotekës ?Thimi Mitko?, do të ngushtohen dhe do të bëhen zyra, të përshatshme për mentalitetin e nëpunësve partiakë që shërbejnë në to.
Pra shihet qartë që ?mentaliteti i rrugicës së Niko Peleshit? po pushton çdo qelizë të qytetit dhe po përpiqet t?i imponohet; lëvizjes së lirë të qytarëve, kullëzimit të urbnistkës qytetare dhe rrugicëzimit të infrastrukturës intelektuale të qytetit.