web counter
LEXO PA REKLAMA!

SHKARKO APP

App Store
Google Play

LLalla-Majko, debat në Komisionin e Ligjeve

11 Nëntor 2014, 23:00, Politikë CNA

Kryeprokurori Adriatik Llalla dhe deputeti socialist Pandeli Majko kanë debatuar mes tyre në mbledhjen e Komisionit parlamentar të Ligjeve, ku prokurori i Përgjithshëm ishte thirrur për të raportuar mbi gjetjet e raport-progresit të vitit 2014.

Shkak për debatin mes Llallës dhe Majkos u bënë deklarimet e kryeprokurorit të pak ditëve më parë, kur paralajmëroi se organi i akuzës kishte nën hetim ish-ministra dhe ministra.

Majko i cilësoi deklarimet e Llallës si të nxituara, por kryeprokurori i është përgjigjur se është problem i ligjvënësit nëse është shqetësuar nga deklarata e Prokurorit të Përgjithshëm

Majko shprehu shqetësimin se Prokuroria vazhdon të influencohet nga politika, ndërsa shtoi se ka zvarritje të çështjeve dhe s?ka transparencë me emërimet. Duke iu drejtuar Kryeprokusorit Llalla, deputeti Majko u shpreh se po e trajton korrupsionin sikur s?ka ndodhur asgjë.

Por, Prokurori i Përgjithshëm theksoi se institucioni që drejton ka marrë masa konkrete për luftën kundër krimit të organizuar dhe lufta kundër korrupsionit mbetet prioritet.

Në lidhje me këtë, Llalla tha se janë proceduar penalisht disa gjyqtarë dhe prokurorë, ndërsa shtoi se ka rritje të sekuestrimit të pasurive nga veprimtaritë kriminale.

Gjithashtu Llalla tha se janë rritur me 30% procedimet në luftën ndaj krimit.





Lajmet e fundit nga