Angazhim për dialog ndërfetar - Në prag të vizitës së Papa Françeskut në Shqipëri

19 Shtator 2014, 21:57, Aktualitet CNA

Udhëtimi i katërt i Papa Françeskut do të jetë në Ballkan, ku Pontifiku viziton për një ditë Shqipërinë. Me këtë vizitë Françesku do të inkurajojë pakicën e krishterë atje dhe do të angazhohet për dialogun ndërfetar.

Françesku konsiderohet si Papa, i cili shkon në skajet e botës dhe të shoqërisë, i cili u kushton rëndësi gjesteve jo konvencionale. Një vit e gjysmë pas marrjes së pontifikatit udhëtimi i tij i parë brenda Europës parpitur zhvillohet tani në Shqipëri. Më 21 shtator 77 vjeçari do ta vizitojë për një ditë këtë vend të vogël me vetëm tre milionë banorë në juglindje të Europës. Rreth njëmbëdhjetë orë do të zgjasë vizita e Pontifikut në kryeqytetin Tiranë – por pavarësisht kohës së shkurtër të qendrimit Papa do të japë shumë efekt. Ndërsa shumë prej paraardhësve të tij një ndër pikërëndesat e udhëtimeve të tyre e vendosnin në Europë, Papa Françesku vizitoi fillimisht Brazilin, vendin e shenjtë dhe Korenë e Jugut. Me përzgjedhjen e Shqipërisë si destinacion të udhëtimit të tij tani ai vendos një theks të pazakontë: Një kishë që shkon në periferitë e saj, kështu pat kërkuar shpesh herë Jorge Mario Bergoglio e këtë ai tani po e vë në jetë vetë. Vetëm 17% e popullsisë në Shqipëri janë të krishterë, shumica janë myslimanë. Për argjentinasin kjo është një vizitë me vlerë të lartë simbolike. «Me këtë vizitë të shkurtër unë dua të inkurajoj kishën e Shqipërisë në besimin e saj dhe të shpreh inkurajimin dhe dashurinë time për një vend, i cili ka vuajtur gjatë si pasojë e ideologjisë së të shkuarës», tha kreu i Kishës Katolike duke komunikuar udhëtimin e tij para disa muajsh.

Në Shqipëri religjoni për një kohë të gjatë u shtyp prej komunizmit. Udhëheqësi komunist Enver Hoxha në vitin 1967 dekretoi ndalimin e religjonit dhe e shpalli Shqipërinë si vendin e parë ateist në botë. Ai donte ta zëvendësonte religjonin me patriotizëm dhe nacionalizëm. Në një sfond të tillë Papa do t’u japë kurajo shqiptarëve dhe t’u shpreh atyre mirënjohjen e tij.

Ky është udhëtimi i dytë i një pape në Shqipëri. Së fundi e vizitoi Shqipërinë para 21 vjetësh Papa Gjon Pali i II. Që nga viti 1991 Shqipëria dhe froni i Shenjtë kanë vendosur marrëdhëniet diplomatike. Pas shtypjes prej disa dekadash Françesku tani do të takojë «komunitetin e rilindur katolik», tha zëdhënësi i kryedioqezës së Tiranës, Gjergj Meta, për radio Vatikanin.

Programi i Papës është mjaft i ngjeshur. Françesku do të takojë kryeministrin Edi Rama, priftërinj shqiptarë dhe përfaqësue stë religjoneve të tjera. Pika kulmore e vizitës gjatë paradites do të jetë mesha e hapur, në përfundim të vizitës Jorge Mario Bergoglio do të vizitojë fëmijët në një qendër karitative.

Angazhim për dialog ndërfetar

Në Universitetin katolik të Tiranës Papa Françesku do tëtakohet edhe me përfaqësuesit e religjoneve të tjera. Krahas kishës katolike dhe ortodokse në janë të përfaqësuar Islami sunit dhe sketi i afërt me të i bektashive, që ka mjaft shumë pasues në Shqipëri. Në këtë takim do të marrin pjesë edhe një protestant dhe një hebre. Papa do të shoqërohet gjatëudhëtimit në Shqipëri edhe nga përfaqësuesi i Këshillit për Dialogun Ndërfetar, kardinali Jean-Louis Tauran.

Duke pasur parasysh kërcënimet me terror të islamistëve ekstremistë ndaj Papës, zëdhënësi i Vatikanit, Federico Lombardi, tha, se masat e sigurisë për këtë vizitë i përgjigjen standardit, siç vlen për çdo vizitë të Papës. «Nuk ka arsye për shqetësim të veçantë», theksoi zëdhënësi. Françesku, përgjatë udhëtimit rreth masës së njerëzve do të përdor të njëjtën makinë, që përdor për audiencat e përgjithshme në sheshin e Shën Pjetrit.

Kryeministri Rama gjatë një takimi në prill në Vatikan e ftoi Pontifikun që të vizitojë vendin e tij. Qeveria e Shqipërisë dhe pjesë të tëra të popullsisë janë të entuziazmuar për vëmendjen që do t’i kushtohet në nivel ndërkombëtar vendit më të varfër të Europës me rastin e kësaj vizite. Shpesh ky vend në gadishullin e Ballkanit e ndien veten të harruar prej të fuqishmëve. Por ky vend ka tërhequr vëmendjen me nderimin e nobelistes me origjinë shqiptare Nënë Tereza. Papa do të zbresë në aeroportin që mban emrin e saj dhe në qendër të kryeqytetit ai do të mbajë meshën e hapur në sheshin, që gjithashtu mban emrin e nobelistes. «Nënë Tereza».

(vfb) dpa/kna