web counter
LEXO PA REKLAMA!

SHKARKO APP

App Store
Google Play

Dogji shtepine, nuk donte te martohej

18 Shtator 2014, 07:07, Aktualitet CNA

Një nxënëse e një shkolle të mesme nga Shqipëria i tha një gjykatësi në Lansing të Shteteve të Bashkuara të Amerikës se ajo i vuri flakën shtëpisë ndërsa prindërit e saj po flinin, pasi ata i kishin rregulluar një martesë, për të cilën ajo nuk ishte dakord.

Arlinda Latifi, 17 vjeç, u shpall fajtore për një krim që mund të dënohet me mbi 20 vjet burg.

Megjithatë, si pjesë e një marrëveshje me prokurorët, Latifi mund të dënohet me maksimumi tre vite në provë.

Nëse shkel provën, ajo do dërgohet në burgun e minorenëve.

Incidenti ndodhi në orët e para të mëngjesit të 30 majit, në shtëpinë që ajo ndante me nënën e babain.

Latifi i tha gjykatëses se ishte tronditur nga fakti që prindërit e saj i kishin zgjedhur një burrë për martesë.

?Prindërit e mi ishin të lumtur. Por unë nuk doja të fejohesha,? tha ajo.

Latifi tha se ajo nuk është më e fejuar.

Ajo hodhi benzinë në dhomën e saj të gjumit, në korridor dhe në banjë dhe e ndezi me shkrepëse.

Latifi i tha gjykatëses se nuk mendoi se jeta e prindërve të saj ishte në rrezik.

?Por zjarri doli jashtë kontrollit,? i tha gjykatësja.

?Ajo që bëre mund të kishte djegur gjithë lagjen?.

Zjarri shkaktoi dëme në tapete, në dysheme dhe në muret e dhomës së gjumit të Latifit.

Gjykatësja e pyeti Latifin për të përshkruar marrëdhënien e saj me prindërit tani.

?Më mirë,? tha ajo. ?Kemi një marrëdhënie të fortë tani?.

Nëse ajo e përfundon me sukses dënimin, nuk do ketë më dosje penale.





Lajmet e fundit nga