E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Rama: Njësitë vendore leje zhvillimi për shkatërrim

22 Gusht 2014, 12:06, Politikë CNA

Pas miratimit të hartës së re territoriale, qeveria merr edhe një tjetër masë, për të mos lejuar vendorët që të ushtrojnë autoritetin e tyre me lejet e ndërtimit.

Kështu, gjatë mbledhjes së radhës të Këshillit Kombëtar të Territorit u bë e ditur se do të pezullohen të gjitha lejet e ndërtimit nga vendorët deri pas zgjedhjeve lokale të vitit 2015, që do mbahen me ndarjen e re administrative.

Rama theksoi se kjo vjen si një domosdoshmëri e krimit që i është bërë territorit të vendit nga dhënia e lejeve nga vendorët të asaj që ai e quajti zhvillimi i shkatërrimit.

?Në këtë mbledhje do të marrim disa vendime të rëndësishme. Mjafton t?ju sjell një pamje të vijës sonë bregdetare, se çfarë u ka ndodhur hapësirave deri dje të gjelbërta, apo të kultivuara me ullinj qindra vjeçare, në vend të cilave janë ndërtuar godina buzë detit, për të kuptuar që është koha që ky kapitull të mbyllet me forcë.

Por problem mbetet paligjshmëria e firmave që në shumë njësi vendore të vendit, autorizojnë leje zhvillimi për shkatërrim. Dhe praktikisht në këtë vendim, ne marrim përsipër si Këshill Kombëtar i Territorit, që në radhë të parë të fillojmë procedurat për rishikimin e planifikimit të territorit, me qëllim harominizimin e tyre në funksion të ndarjes së re territoriale, në funksion të krijimit të një kulture dhe përmbajtje ligjore, në funksionimin e autoriteteve për të autorizuar leje ndërtimi.

Kemi raste flagrante të qindra lejeve që kanë sjellë plagë të panumërta.

Për të kuptuar që pjesa më e madhe e lëshimit ka ardhur në periudhën e para dhe paszgjedhore do të pezullohet dhënia e lejeve nga të gjitha autoritetet vendore, deri në paszgjedhjet e vitit 2015. Sigurisht që ne nuk jemi këtu për të marrë vendim të njëanshëm për rrënim të mëtejshëm,? theksoi Rama

Rama tha se ky vendim merret për t?i hapur udhë një zhvillimi të ri urban dhe jo më për të uzurpuar edhe atë që ka mbetur nga territori i vendit.

?Ky vendim vjen si pjesë e një zinxhiri vendimesh të marra për të krijuar mundësinë që gjatë gjithë kësaj periudhe pezullimi të japin leje për rastet përjashtimore në funksion publik e kombëtar për të zhvilluar veprimtari prodhuese, jo për të uzurpuar çfarë ka mbetur për të ngritur pallate, por për t?i hapur udhë zhvillimit që ka të bëjë me bujqësinë e blegtorinë dhe vendeve të punës.

Në rastin e këtyre të fundit për të ndaluar çdo spekulim, miratimin në parim do ta japë KKT,? tha ai.

Megjithatë, kryeministri theksoi se ky vendim do të ketë edhe përjashtime.

Ai nënvizoi se vendorët do të kenë të drejtën të japin leje vetëm në ato raste që kanë të bëjnë me bujqësinë, turizmin, blegtorinë, dhe vendeve të punës, dhe jo për ndërtimet.