E fundit!

09:10 Kosova & Bota

Ndryshimet dhe prioritetet e qeverisë në Maqedoninë e Veriut

Në historinë e qeverive maqedonase ka pasur shumë ndryshim...

U vodhën 7 milion dollare, jo rrush tek vreshti i Fullanit

30 Korrik 2014, 15:20, Opinione CNA

Nga Elvi Fundo

Më në fund doli dhe foli, Guvernatori Fullani. Foli dhe s?tha asgjë. Tregoi punën e madhe të Bankës së Shqipërisë pas vjedhjes së 7 milion dollarëve, masat që janë marë, punën që po ben për ekonominë dhe inflacionin, piu ujë dhe iku.

Të vjedhësh 7 milion dollarë në një periudhë prej 4 vitesh dhe kreu i institucionit ku është berë vjedhja ?autostradë?, në cdo vend normal do kishte dhënë minimumi dorëheqjen. Sepse ashtu si benefitet dhe rroga e majme mer dhe kosto për menaxhimin e institucionit që drejton

Jo se është hajduti apo vjedhësi i drejtperdrejte, por sepse institucioni që ai drejton u vodh e grabit sistematikisht. Lekët që duhet ti ruante nuk I rruajti dhe ato perfunduan minimum në kazino.

Nuk është meritë të marësh masa pasi kapet hajduti, meritë është të pengosh vjedhjen që në fillim, jo kur janë vjedhur thasë me lekë.

Ka disa detaje që Ardian Fullani, i lë mënjane dhe nuk i përmend. Si mund të vjedhë një njeri i vetëm pa bashkëpunëtore, kur për të hapur dyert, kutitë e lekeve ka një komision, ka komision bën eleminimin e lekëve të demtuara e shumë procedura që bëhen vetëm për rritjen e sigurisë në Bankë. Pra thjesht nuk është një person, por një zinxhir personash, ku përfshihen minimumi punonjësit e sigurisë, pra ata që kontrrollojnë kamerat. Këtu në mënyrë të vecantë kompania që ka bërë instalimin e tyre dhe vendosjen ndoshta edhe në pozicione aspak të përshtatshme. Këto janë disa detaje që cdo njeri i thjeshtë i kupton. Kur vendosin kamerat në lokale e shikon që janë në vende strategjike, ndersa në Banke mbulohen me trup, apo me kthim kurizi, të paktën ky është pretëndimi I të akuzuarit Bitraj. Kjo do të thotë që ka një sistem survejimi të vjetër dhe të kalbur, ose të rid he pavlerë. Pasi ai rezultoi totalisht i dështuar dhe i panevojshëm për 4 vite. Ky system i cili duhet të ketë kushtuar miliona lekë ndoshta dhe euro, ka mirmajtje e kosto të tjera të cilat janë thjesht lekë të hedhura tani në plehrat. Fullani na tha se siguria e larte nuk ishte cenuar, dakord po e besojmë edhe këtë, po kujt i mbushet mbendja tani pas asaj që ka ndodhur.

Nga ana tjetër Guvernatori, thotë janë marrë 7 milion dollarë nga inventari. Dakord në parim, por ka dicka që nuk shkon në këtë deklarim të Fullanit. Personi i ndaluar dhe akuzuar për vjedhjen, Ardian Bitraj thote qe vjedhjen e kryente prej 4 vjetesh, dhe merte edhe lekët që do asgjesoheshin. Në rast se ky informacion është i vërtetë, mund të na shpjegoje Fullani, si e gjeti dhe ku e gjeti shumën 7 milion dollar? Ose të paktën duhet të bëje një sqarim: Janë 7 milion dollarë të lekëve prerje të reja ose ende në qarkullim, sepse paratë qe janë ekzekutuar guvernatori ska si ti dijë.

Minimalisht ai di shumën totale të lëkëve që janë ekzekutuar, por kurrsesi nuk mund të dije shumën e vjedhur brenda tyre nga Bitraj. Pra 7 milion dollarët e vjedhur, mund të jenë shumë herë më tepër, kjo për arsyen e thjeshtë se pjesa e parave të përdorura që dilnin jashtë qarkullimit dhe janë ekzekutuar kurrë nuk mund të dihet apo tregohet, ndoshta vetëm në rast të një rëfimi të sinqertë nga Bitraj ose një punë disa vjecare mbi letra e llogari.

Janë pra disa detaje tepër të rëndësishme që Fullani në daljen e tij nuk ju dha pergjigje, i anashkaloi, I la pa përmendur dhe me qëndrimin e tij në post ngre akoma më shumë pikpyetje. Të shpresojmë që organi i akuzës dhe hetimet do na cojnë në një version sa me afer realitetit pa lenë mënjanë cdo detaj sado i vogël të jëtë ai. U vodhën 7 milion dollare në mënyrë sistematike në Bankën e Shqipërisë, jo rrush tek vreshti i Fullanit dhe te gjithe presin nje shpjegim te vertete e jo konferenca te sforcuara shtypi