E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Arkitektet: Kulla në qendër gabim i rëndë arkitekturor dhe urbanistik

28 Korrik 2014, 17:05, Aktualitet CNA

Shtatë arkitektë korçarë, që jetojnë dhe punojnë në Amerikën e Veriut i kanë dërguar një letër të hapur, Zv.Kryeministrit Niko Peleshi, në të cilën shprehin shqetësimin e tyre të thellë për projektin që do të zbatohet për ndryshimin e sheshit qendror të Korçës. Letra mban firmat e arkitektëve Anxhela Mosko, Jeta Xhufka, Ilia Lera, Klarens Karanxha, Maksi Pengo, Naumaq Mara dhe Nensi Bregu. “Ne jemi shtatë arkitektë me origjinë nga Korça, që punojmë në shtete e provinca të ndryshme të Amerikës së Veriut. Po ju drejtohemi me shpresën, se keni ende dëshirën e mirë, për të përmirësuar qytetin tonë të lindjes. Jemi tejet të shqetësuar, për ndërhyrjen, që po bëhet në sheshin para Teatrit ?A.Z. Cajupi?. Edhe pse ju nuk jeni më Kryetari i Bashkisë së Korçës, e dimë, që projekti ka qënë dhe mbetet nisma e juaj, i ideuar si një përpjekje e mirë për të përmirësuar qytetin.

Pamjet 3 dimensionale, që kemi parë në mjetet e informimit (në faqen zyrtare të Bashkisë se Korçës në internet nuk ka asgjë rreth projektit më të rëndësishëm të Bashkisë për vitin 2014) na kanë tronditur. Projekti i paraqitur është një shembull i keq i Arkitekturës Brutaliste, e cila ka perënduar në botën e përparuar, që në mesin e viteve ?70 të shekullit të kaluar. Ndërtimi nuk mund të konsiderohet një eksperiment i arkitekturës bashkëkohore, të cilin koha do e gjykojë më vonë. Një objekt i tillë nuk duhet ngritur në qendër të një qyteti me karakteristika të formuara mirë edhe pse gjatë 70 viteve të fundit, ka pasur në të plot shembuj të ndërhyrjeve të gabuara në arkitekturë dhe urbanistikë. Ne kemi vlerësuar përpjekjen tuaj për të përmisuar kompleksin arkitekturor të sheshit edhe pse përgjithësisht gjykojmë, që në një qytet me pak hapësira publike, sipërfaqet e lira duhet të ruhen. Megjithatë, ndërhyrja në të duhet të jetë krejt e ndryshme nga projekti gjerman, tashmë i miratuar dhe i nisur të zbatohet. Korrigjimi i thellë i tij është i domosdoshëm dhe i mundshëm. Ju kërkojmë me ngulm, por dhe me besim të ndalni këtë gabim të rëndë arkitekturor dhe urbanistik në qytetin tuaj dhe tonin?, përfundon letra.