web counter
LEXO PA REKLAMA!

SHKARKO APP

E fundit!

x

Mediat e huaja shkruajnë mbi vrasjen e biznesmenit Artan Santo

26 Qershor 2014, 13:53, Aktualitet CNA

Një ndër rrjetet më të mëdha kombëtare amerikane ? ABC NEWS?, teksa i referohet agjencisë ?The Associated Press?, ka shkruar mbi vrasjen e Artan Santos, duke iu referuar policisë shqiptare. 

?Policia shqiptare është shprehur se kreu dhe bashkëthemeluesi i një prej bankave më të mëdha në Shqipëri, është qëlluar për vdekje në Tiranë. Drejtori ekzekutiv i Bankës Credins, Artan Santo, është goditur me armë zjarri teksa po hynte në zyrën e tij në qendër të qytetit?, shkruan agjencia. 

Dëshmitarët janë shprehur për ?The Associated Press? se dy persona në një motor biseduan me Santon përballë hyrjes në bankë përpara se ta qëllonin gjashtë herë me armë zjarri, ku njëri prej plumbave e kapi në kokë. 

Policia u shpreh se ishte shumë herët për të përcaktuar motivin. Santo, 58 vjeç, ka qenë shef ekzekutiv dhe drejtor i përgjithshëm për 11 vjet i Bakës Credins e cila është një ndër 16 bankat në Shqipëri?-ka përfunduar rrjeti kombëtar amerikan ?ABC NEWS?.

Ndërkaq, edhe media e njohur italiane ?Ansa? ka shkruar për vdekjen tragjike të Artan Santos. ?Ansa? shkruan se vrasja e bankierit të njohur dhe autorit të disa librave ndodhi në qendër të Tiranës, në zemër të qendrës financiare dhe politike të kryeqytetit të Shqipërisë. ?Ansa? citon vec të tjerash se Santo ishte pronar i një kanali televiziv me lajme ekonomike ?Scan TV? por njëkohësisht ishte 50% aksioner i grupit mediatik, ?Fokus Grup?, që kontrollon një ndër televizionet më të rëndësishme informative ?News 24?, të përditshmen shumëvjecare ?Gazeta Shqiptare?, një prej portaleve më të ndjekur informativ Balkanweb.com dhe Radio, Rash.





19:52 Aktualitet

Spiuni në krevat

E quajnë “honey trap”, ose kurthi i mjaltit: kur agjentët e ...

Lajmet e fundit nga