web counter
LEXO PA REKLAMA!

SHKARKO APP

App Store
Google Play

E fundit!

x

Didi: Prova më e fortë ndaj Alikos, situata në Lazarat. Ja kush e dekonspiroi aksionin

25 Qershor 2014, 12:17, Aktualitet CNA

?Fshati i mbushur me drogë dhe armë është prova më e madhe kundër kryetarit të Komunës së Lazaratit Dasho Aliko?.

Është ky komenti që bën Drejtori i përgjithshëm i Policisë së Shtetit, Artan Didi, duke iu përgjigjur interesimit të mediave në lidhje me provat që ka policia për nisjen e procedimit penal për kryekomunarin.

?Për të vendosur për masën e sigurisë, kompetenca kalon tek prokuroria e më pas ia kërkon gjykatës. Ne përderisa kemi bërë procedim penal, kemi prova, personi në fjalë duhet të përgjigjet. Prova e gjallë është Lazarati, gjetëm armë e kanabis?, sqaroi ai.

Kreu i Policisë së Shtetit gjithashtu sqaroi edhe mënyrën sesi po zhvillohen hetimet në lidhje me zbulimin e ?grupit të zjarrit?, personat të cilët qëlluan për 5 ditë policinë e më pas arritën të largohen nga Lazarati. Sipas tij, ky grup ekziston dhe policia i është vënë nga pas.

?Po ta dinim vendndodhjen e tyre, do i kishim kapur. Ju ishit vetë atje dhe e konstatuat që ka një grup kriminal që ka goditur policinë, që tentoi të rezistonte, këtë ne e quajmë grup kriminal, ndërsa ju grupi i zjarrit. Krahas veprimeve që vazhdojnë në Lazarat, ne jemi në kërkim të këtyre personave. Nuk kemi ende një numër, sapo t?i identifikojmë, do ju bëjmë me dije?, tha Didi.

I pyetur nëse Lazarati është përdorur për drogat e forta, Didi iu përgjigj: ?patjetër, si një territor ekstra, ku nuk vepronte ligji, ku s?kishte kontroll, është shfrytëzuar edhe si bazë e sigurt për të bërë edhe tranzitin e drogave të forta?.

Didi sqaroi se policia ka identifikuar edhe punonjësit e policisë që dekonspiruan operacionin. ?Dekonspirimi ka ardhur nga policë të Gjirokastrës, për shkak të afërsisë, por edhe aferave të ndryshme. Ne mendojmë që këta persona i kemi të identifikuar, një pjesë prej tyre janë larguar nga operacioni?, theksoi Didi.





Lajmet e fundit nga