web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja e Shqipërisë në BE: Qytetarët nuk do përfitojnë nga statusi

25 Qershor 2014, 11:56, Aktualitet CNA

Ambasadorja e Shqipërisë në BE, Mimoza Halimi, shprehet se ndryshe nga liberalizimi i vizave, marrja e statusit kandidat nuk do të ndikojë dukshëm në jetën e shqiptarëve.

?Nesër, kur të kalojnë emocionet e sotme, që janë të natyrshme, nuk do të ndodhë ndonjë ndryshim dramatik i dukshëm në jetën e qytetarëve shqiptarë. Po ta krahasojmë me vendimin e liberalizimit të vizave, në atë rast produkti ishte më i prekshëm nga qytetarët, i përkthyer në lëvizjen e lirë në vendet Shengen. Me marrjen e statusit kandidat nuk do të ndodhë e njëjat gjë?, tha Halimi për Mapon.

Ajo sqaron gjithashtu se projektet miliona euroshe për vendet që janë në proces anëtarësimi, nuk do të kenë ndonjë avancim.

?Nuk ka ndonjë ndryshim përsa i përket përdorimit të fondeve të BE-së në këtë aspekt. Nuk ka ndonjë ndryshim, nëse do të përfitojmë më shumë apo më pak. Ne tashmë kemi kaluar nga projektet IPA1 në projektet IPA2, por kjo gjë nuk është e lidhur drejtpërdrejtë me statusin kandidat, por me filozofinë e dhënies së fondeve nga BE?, sqaron ajo.

Ajo thekson se Shqipëria përfiton në këtë stad nga projektet komunitare, ku mund të aplikojmë.

Halimi shprehet se mbeten ende 5 kritere kyçe për t?u plotësuar. ?Kriteret e vendosura nga BE s?kanë një emër konkret, mënyra se si ne e përkthejmë, varet nga ne. Lufta ndaj krimit nuk përfshin një aksion të vetëm, por përfshin një gamë të gjerë, që nga larja e parave, goditja e grupeve kriminale, lufta ndaj kultivimit të drogës, e cila çon pastaj dhe në luftën kundër korrupsionit?, nënvizon ajo.

Gazeta Tema





Lajmet e fundit nga