web counter
LEXO PA REKLAMA!

SHKARKO APP

App Store
Google Play

Ish-të përndjekurit politikë dhe deputetët e PD përleshen me policinë

27 Maj 2014, 22:00, Aktualitet CNA

Ish-të përndjekurit politik që paralajmëruan vendosjen e çadrave për nisjen e një greve urie tek pedonalja, në krah të Parlamentit, janë përleshur fizikisht me Policinë e Shtetit.

Shkak është bërë ndërhyrja e policisë për të mos lejuar vendosjen e çadrave ku do të vendosen 10 ish të përndjekur politikë për nisjen e grevës së urisë. Ish- të përndjekurit pretendojnë se kanë marrë leje nga Bashkia e Tiranës, por jo nga Policia e Shtetit.

Në përplasjen mes palëve ishin të pranishëm edhe deputetë të Partisë Demokratike, të cilët kanë shprehur mbeshtetjen për nisjen e grevës së urisë nga ish- të përndjekurit. Nga deputetet e PD-së ishin të pranishëm Flamur Noka, Aldo Bumci, Edi Paloka, Gert Bogdani, por edhe Gent Strazimiri.

Kryetari i Partisë së të Drejtave të Mohuara, Fatmir Hoxha, duke folur për mediat akuzoi kryeministrin Edi Rama për shkeljen e të drejtës së protestave, duke shtuar se me veprimet që Qeveria po bën tregon se në pushtet janë bijtë e Bllokut. ?Në Shqipëri po vendoset diktatura, ne nuk do e lejojmë një gjë të tillë. Procedurat ligjore i kemi bërë dhe kemi marrë lejet e nevojshme?, tha Hoxha.

Fatmir Hoxha, njeriu që kërkon të fusë në grevë urie ish të përndjekurit, nuk ka bërë asnjë ditë burg në burgjet e komunizmit. Madje, burime të konfirmuara kane treguar se Fatmir Hoxha është pronar i tre lokaleve dhe një zyre në Institutin e ish- të përndjekurve politikë.

VIDEO –> http://www.youtube.com/watch?v=qGOzNU9BpoM

Gazeta Tema





Lajmet e fundit nga