E fundit!

14:23 Denoncim

Heshtja kriminale e Bashkisë së Tiranës

Katër muaj më parë, më datë 11 mars, CNA iu drejtua me një...

Dr. Sami Neza, "Gazeta, menaxhimi i krizës në medien e shkruar”

24 Prill 2014, 21:04, Aktualitet CNA

Gazetari Sami Neza ka publikuar një studim për gazetat me titull ?Gazeta, menaxhimi i krizës në medien e shkruar?. Ky libër në kërkimet e autorit përgjatë viteve 2010-2013, në kuadrin e mbrojtjes së gradës shkencore ?doktor në media?, pranë departamentit të Gazetarisë e Komunikimit, të Universitetit të Tiranës.

Nëpërmjet këtij studimi autori ka synuar të përmbushë hipotezën se shtypi i shkruar është në krizë, zgjidhja e krizës kërkon mjete të tjera që kapërcejnë kapacitetet aktuale të shtypit të shkruar. Paradigma ku është mbështetur zhvillimi i këtij sektori mediatik nuk sjell zgjidhje, sipas Nezës. Ai thekson se ashtu si në shumicën dërmuese të vendeve të botës edhe shtypi i shkruar në Shqipëri po kërkon mjete të tjera ndryshe prej atyre të traditës për të mbijetuar qoftë edhe në një gjendje tjetër.

Disa nga gjetjet më të rëndësishme të kërkimit janë: shtypi shqiptar ka krizë të integritetit e shprehur përmes krizës editoriale; shtypi në shumicën e titujve nuk rregullohet përmes tregut; gazetat nuk kanë burime të sigurta dhe afatgjata financimi apo vetëfinancimi; shtypi shqiptar është i vonuar në hapat e ndërmarrë për transformimin online; shtypi nuk ka strategji afatgjata për kanalet e reja të transmetimit, konvergjencën në media dhe marrjen e pagesës për produktin dixhital.

Duke ballafaquar raste, të dhëna dhe përvoja nga tregu i gazetave në Shqipëri dhe në vende të tjera ai sugjeron për shtypin shqiptar rrugë dhe mjete përmes të cilave do të sigurohej mbijetesa ndërkohë që ruhet profesionalizmi. Në gazetat e përzgjedhura për studim ?Panorama?, ?Shekulli?, ?Gazeta Shqiptare? dhe ?Shqip? ai ndan rastet e suksesit te secila si dhe sugjeron transformime që do të mundësonin rast pas rasti suksesin në tregun print dhe atë online.

Kërkimi mbështetet në anketimin me gazetarët e mediave të marra në shqyrtim, anketime apo kërkime të zhvilluara nga studies të tjerë apo institucionetë tjera si Soros (Tiranë, Prishtinë, Shkup, Sofje, Zagreb, Sarajeva, Podgorice. Beograd) FIDE, IREX, OSBE, OECD, IDRA, Monitor, ISHM, Reporteri, etj, vëzhgime në terren, ndjekja e ndryshimeve në dizajnin editorial dhe dizajnin grafik të gazetave; ndryshimet në strukturat e redaksive dhe veçanërisht ato të dhomës së lajmeve, mënyra të reja të shitjes, reklamës dhe marketingut, shkalla e përdorimi i teknologjive të reja të informacionit nga gazetat.

Po ashtu autori ka zhvilluar intervista me drejtuesit kryesorë të katër gazetave të marra në analizë dhe aktorëve të njohur të gazetarisë së shkruar 20 vitet e fundit, si dhe ka rimarrë dhjetra intervista dhe artikuj të ndryshëm të shkruara rreth problematikës së mediave në Shqipëri e vëçanërisht për medien e shkruara në 15 vitet e fundit.

Autori ka kryer hulumtime bibliografikeqë lidhen me problematika të shtypit të shkruar në Shqipëri, rajon dhe në shkallë ndërkombëtare. Në bazë të këtij hulumtimi janë studime në nivel ndërkombëtar dhe rajonal që lidhen me situatën e shtypit të shkruar pas vitit 2000, punime të prezantuara në konferenca shkencore dhe artikuj apo studime të botuara në revistat shkencore të fushës.

Pjesë e rëndësishme e kërkimit janë analiza konkurruese në tregun e gazetave, analiza PEST (analiza e ambientit politik, ekonomik, social, dhe teknologjik), analiza SËOT

Kërkimi argumenton se pse gazetat shqiptare nuk kanë jetë të gjatë në kushtet e diversifikimit të informacionit, në projeksionet e tyre aktuale, ndryshe nga periudha e viteve ?90 deri në dhjetëvjeçarin e parë të viteve 2000 kur gazetat e financuara shqiptare ia dilnin të kishin ndikim e herë pas here edhe sukses në treg.

Ka një përshkrim dhe analizë të hollësishme të përpjekjeve të gazetave për të shmangur efektet e krizës.

Sami Neza, thekson se libri i tij ofron rrugë përmes të cilave media e printuar ndihmohet të përballojë si krizën brenda vetes ashtu edhe konkurencën nga mediat e tjera duke u përshtatur me mjetet e reja të teknologjisë së informacionit, gazetarinë sociale por edhe nepermjet përsosjes në print.

Autori mban gradën shkencore Doktor në Gazetari nga Universiteti i Tiranës si dhe MBA nga Universiteti i Nebraskës, SHBA dhe Universiteti i Tiranës. Ai ka punuar si gazetar e drejtues mediesh të ndryshme për më shumë se 20 vjet.

Libri është botim i UET Press.