web counter
LEXO PA REKLAMA!

SHKARKO APP

App Store
Google Play

E fundit!

x

Gezuar Pashket. KRISHTI U NGJALL

19 Prill 2014, 22:30, Aktualitet CNA

Java e shenjtë e Pashkëve ka kulmuar mesnatën e sotme, ku me qindra besimtarë ortodoksë i janë drejtuar Kishës ?Ringjallja e Krishtit? në qendër të qytetit, por jo vetëm, për të marrë pjesë në ritualin e zakonshëm të mesnatës. Pas meshave të kryera, ceremonia e mesnatës ka parë pjesëmarrjen e mijëra ortodoksëve dhe qytetarëve korçarë. Më pas, ata kanë dalë nga kisha me qirinj në duar. Imzot Joani, Mitropoliti i Korçës, i cili ka drejtuar meshën dhe Javën e shenjtë me gjithë ceremonialet e saj, ka uruar gjithë besimtarët gëzuar Pashkët.

Festa e Pashkës, e kthyer tashmë në një traditë qytetare, ka mbledhur në sheshin para Katedrales së qytetit jo vetëm besimtarët. Të moshuar, familjarë dhe fëmijë të të gjitha moshave ishin të pranishëm në Kishën ?Ringjallja e Krishtit?. Me qirinj në duar besimtarët Ortodoksë janë lutur për ringjaljen e Krishtit dhe vetëflijimin e Krishtit për një botë të paqtë dhe të begatë.

Pasi kanë ndezur qirinjtë dhe kanë çarë vezët e kuqe, të gjithë kanë shijuar dhe spektaklin e fishekzjarreve, të cilët kanë krijuar një atmosferë festive dhe ndriçuan këtë natë. Më pas pjesa më e madhe e qytetarëve, u janë drejtuar lokaleve, restoranteve për të festuar. Pothuajse të gjitha ambientet prej ditësh kanë qënë të prenotuara. Atmosfera festive pritet të vijojë deri në orët e para të mëngjesit, në lokalet dhe restorantet që ofrojnë muzikë live, si Mon Amour, Bizarre Lounge, Secret Bar, Elysee, Bar Oaz etj. Përgjithësisht janë të rinjtë ata që mbushin club-et e natës, ndërsa familjarët kanë preferuar më tepër restorantet me gatime dhe muzikë tradicionale. Por ka edhe nga ata që kanë vendosur ta kalojnë këtë natë pranë familjes së tyre, duke festuar në shtëpi.

Të shumtë janë turistët që kanë vizituar Korçën, ditët e fundit, me rastin e festës së Pashkës, por edhe emigrantët që janë kthyer për të festuar këtë festë pranë familjarëve të tyre. Kujtojmë se gjatë gjithë javës në doganën e Kapshticës ka patur një fluks kalimesh, por duhet thënë se në krahasim me vitet e kaluara, numri i i emigrantëve që kanë hyrë në vendin tonë ishte më i ulët.

Festa e Pashkës do të vijojë sot në mesditë, ku do të mbahet dhe mesha në Katedralen e qytetit ?Ringjallja e Krishtit? dhe në të gjitha kishat e tjera. Sigurisht që nuk do të mungojnë edhe drekat në familjet e besimtarëve, ku mbizotëron mishi i qengjit dhe gotat me verë. Por edhe restorantet do të presin qytetarët korçarë, turistë të shumtë që kanë erdhur nga qytetet e tjera të vendit, nga Maqedonia, Kosova e shumë vende të tjera.  

Stafi i CITY FM ju uron GEZUAR PASHKET!





Lajmet e fundit nga