web counter
LEXO PA REKLAMA!

SHKARKO APP

App Store
Google Play

Unioni i Gazetarëve Shqiptarë, thirrje për të ndihmuar Irena Vreton

24 Mars 2014, 23:00, Aktualitet CNA

Unioni i Gazetarëve Shqiptarë shpreh shqetësimin për shendetin e koleges së njohur, njerës prej themeluesve dhe veprimtares së spikatur të Degës së Unionit të gazetarëve të Qarkut Korçë, gazetares Irena Vreto.
Të nderuar miq, kolegë, drejtues të shtetit,
Një gazetare e njohur, shkrimtare, mësuese por dhe me kontribut të çmuar në fushën e artit, tashmë ka nevojë për ndihmën e të gjithëve. Gazetarja Irena Vreto prej 8 muajsh ndodhet në një situatë kritike për shkak të ekzaminimit të gabuar të mjekëve shqiptarë, gjë që i shkaktoi më pas dhe paralizë në këmbë. Pas një ndërhyrje të vështirë kirurgjikale në një vend fqinj, në shtyllën kurizore, i nevojitet trajtim fizioterapik dhe mjekësor gjithashtu për ta shëruar plotësisht. Ndaj sot më shumë se kurrë gazetarja Vreto, ka nevojën e të gjithëve ne. Le të solidarizohemi duke sensibilizuar opinionin por dhe shtetarët tanë, për të gjetur mundësinë financiare prej 15 mijë eurosh për tu trajtuar dhe 2 muaj të tjerë në një klinikë të specializuar jashtë Shqipërisë. Sigurisht mundësitë financiare të një gazetari në vendin tonë janë gati inegzistente për të përballuar një situatë të tillë shëndetsore me shpenzime kolosale. Ndaj kërkojmë nga gjithsecili prej jush të kontribojë me një ndihmë sado të vogël për të mundësuar shpëtimin e një jete, të një njeriu të nderuar dhe që ka kontribuar jo pak jo për këtë shoqëri.
Numri i llogarisë bankare pranë UNION BANK
Union Bank, IBAN No AL60214411030410315521020113
Zyra e Shtypit
Unioni i Gazetarëve Shqiptarë





Lajmet e fundit nga