web counter
LEXO PA REKLAMA!

SHKARKO APP

App Store
Google Play

Formularët A1/A1Z, datat për t’i plotësuar online, qarku Korçë në 20 mars

18 Mars 2014, 10:15, Aktualitet CNA

Ministria e Arsimit dhe Sportit ka publikuar kalendarin e aplikimit online të Formularëve A1 dhe A1Z. Aplikimi për plotësimin e formularëve bëhet në faqen e Maturës Shtetërore. Këtë vit MAS, datat e aplikimit i ka ndarë si më poshtë; nga data 17-24 mars kanë mundësi të aplikojnë maturantët e këtij viti, ndërsa nga data 25-29 mars do mund të aplikojnë kandidatët që dëshirojnë të apli-kojnë në Formularin A1Z. Ndërkohë që, të gjithë kandidatët ka-në mundësi të bëjnë korrigjimin e gabimeve në formular, pasi u janë vënë në dispozicion dy datat e fundit, 30 dhe 31 mars.
Në Formularin A1 maturantët që mbarojnë gjimnazin këtë vit shkollor do të bëjnë përzgjedhjen e dy lëndëve me zgjedhje që do japin provim. Selektimi i këtyre dy lëndëve duhet të zgjidhet mirë nga maturantët, pasi u kushtëzon të drejtën e studimit në universitet. Specialistët e arsimit sqarojnë se duhet t’u jepet më shumë rëndësi njohurive që ata kanë sesa koeficientit të lëndës. Sepse nëse ata marrin një notë të lartë kjo u jep më shumë pikë sesa do t’i jepte koeficienti i lëndës.
Ditën e hënë ka nisur plotësimi final i Formularit A1 për maturantët e qytetit të Tiranës. Ndërsa, në datën 20 mars kanë të drejtë të hyjnë në sistem maturantët e Elbasanit, Peqinit, Gramshit, Librazhdit, Korçës, Pogradecit dhe Kolonjës.





Lajmet e fundit nga