web counter
LEXO PA REKLAMA!

SHKARKO APP

App Store
Google Play

Përfundimet e dialogut të nivelit të lartë Shqipëri- BE: Përfshirje në reforma

6 Mars 2014, 23:00, Politikë CNA

Përfundimet e përbashkëta të dialogut të nivelit të lartë Shqipëri-Bashkimi Europian, me praninë e komisionerit për zgjerim në BE, Stefan Fyle janë publikuar nga Kryeministria. Takimi i mbajtur gjatë ditës së djeshme ka konkluduar në 11 përfundime të përbashkëta. Në këto pika thuhet se konsultimi sistematik dhe përfshirja e Parlamentit, si dhe palëve të tjera të interesuara në procesin e reformave është kyç. Referuar përfundimeve theksohet se komisioneri Fyle deklaroi se politikat konfrontuese nuk e ndihmojnë procesin e integrimit në BE, duke kujtuar rëndësinë që shtetet anëtare të BE-së i japin kulturës së bashkëpunimit dhe përfshirjes në Parlament, çka do të lejonte një proces të qëndrueshëm reformash. Lidhur me funksionimin e institucioneve të pavarura të vendit ai theksoi se si opozita ashtu dhe qeveria duhet të tregojnë tani përmbajtje dhe të garantojnë respektimin e plotë të legjislacionit të zbatueshëm dhe parimeve të tij. Ndërkohë bëhet e ditur se Qeveria shqiptare konfirmoi angazhimin e saj për një dialog politik konstruktiv dhe të qëndrueshëm me opozitën, si proces jetik për qëndrueshmërinë e  procesit të reformave. Gjithashtu nga ana e Qeverisë u shpreh angazhimi ndaj përfshirjes së organizatave dhe grupeve të shoqërisë civile në procesin e reformave.





Lajmet e fundit nga