E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Si duhet të bëjmë banjo dielli për të marrë vitaminë D?

9 Qershor 2022, 12:45, Trending CNA

Si duhet të bëjmë banjo dielli për të marrë

Foto ilustruese

Vitamina D quhet ndryshe edhe vitamina e diellit. Ajo është një element i rëndësishëm për shëndetin tonë, veçanërisht për eshtrat. Vitamina D është e rëndësishme për absorbimin e kalciumit e forcimin e kockave. Ajo ndihmon gjithashtu për të luftuar një sërë sëmundjesh si dhe është e nevojshme për sistemin nervor.

Trupi ynë e siguron vitaminën D nëpërmjet ekspozimit në diell (rrezet UV-B) dhe disa ushqimeve. Kjo lloj vitamine D që sigurohet nga jashtë duhet të përpunohet në mëlçi dhe veshka që të kryejë efektin e saj në organizmin tonë.

Edhe pse jemi në stinën e verës dhe eksplorimi ndaj diellit është burimi kryesor i vitaminës D, por jo i mjaftueshëm. Ndaj, nëse kemi nevojë për vitaminë D është e këshillueshme që të merren dhe suplemente shtesë. Por duhet pasur parasysh që para se të marrim një suplement duhet që të këshillohemi më parë me mjekun. Një dietë e mirë mund t’iu vijë në ndihmë për të marrë vitaminë D.

Salmoni, merluci, peshku ton, mëlçia e viçit, djathi dhe e verdha e vezës janë disa nga ushqimet që përmbajnë vitaminën D. Pa harruar gjithashtu qumështin, drithërat dhe lëngjet e frutave.

Siç u theksua edhe më lart një banjo e mirë dielli do të ndihmonte trupin tonë që të merrte vitaminen D. Por si mund të bëjmë një banjo dielli?

Të bësh banjo dielli nuk do të thotë që të qëndrosh për një kohë të gjatë nën ekspozimin e diellit pasi një gjë e tillë jo vetëm që nuk është në dobi të trupit, por përkundrazi ekspozimi i shumtë i lëkurës në diell mban rrezik kanceri për të. Ndaj dhe specialistët këshillojnë që koha e qëndrimt në diell të jetë e rekortuar.

10-15 minuta do të jenë mëse të mjaftueshëm për trupin tonë dhe nuk këshillohet që të bëhet banjo dielli më shumë se dy apo tri herë në javë. Pjesët e trupit që mund të ekspozojmë janë këmbët, krahët, barku dhe shpina.

Duhet pasur kujdes me kokën pasi duhet mbajtur larg diellit për arsye se rrezet e diellit mund të japin dëmtime në tru.

Një këshillë tjetër me vlerë është ajo që gjatë banjos së diellit duhet patjetër të përdorim krem kundër diellit për të mbrojtur lëkurën nga rrezet e dëmshme të diellit, rekomandohet që trupi të lyhet disa herë në ditë pasi mund të mos e jetë e mjaftueshme vetëm një herë. Kremi i diellit duhet të jetë i përshtatshëm sipas ngjyrës së lëkurës./ CNA.al