ZYRTARE/ Nuk kanë fund “firot” te Laçi, titullari largohet nga ekipi pas 44 ndeshjeve

Bashkim Velija nuk është më futbollist i Laçit. Pas një sezoni, mbrojtësi 29 vjeçar dhe kurbinasit janë ndarë. Kontrata e shqiptarit nga Maqedonia e Veriut ka përfunduar me klubin e Superligës, duke mos rinovuar. Pas Lushkjas, Deliut dhe Ignatovic, edhe Velija e mbyll me Laçin para ndeshjeve të Europës. Largimin e ka konfirmuar vetë lojtari në rrjetet sociale, teksa sezonin e shkuar me Laçin luajti 44 ndeshje. E ardhmja e tij pritet në vendlindjen Tetovë te Shkëndija. Postimi: Nëpërmjet këtij postimi dua të ju njoftoj se kontrata dhe eksperienca ime te KF Laçi ka mbaruar , pas një viti dhe suksesi historik per ekipin. Dua të Faleminderoj drejtuesit e klubit , trajnerët Sh.Duro dhe M.Josa që më ofruan dhe më dhanë mundësinë te ndjehem mirë dhe i vlerësuar , stafin teknik të ekipit qe gjithmonë më kan ndihmuar , bashkëlojtarët që më respektuan , më deshtën dhe më bënë më të lehtë qëndrimin , dhe të gjithë fansat Laçjan që gjithmonë më përkrahen dhe më bënë të ndjehem i lumtur te KF Laçi . Ju uroj shumë sukses bashkëlojtarëve dhe trajnerit në sfidat e ardhëshme , dhe më shumë gëzime fansave .Faleminderit Me Respekt Bashkim Velija