web counter
LEXO PA REKLAMA!

SHKARKO APP

App Store
Google Play

ZYRTARE/ Dështimi në Botëror, Gjermania vendos fatin e Hansi Flik

7 Dhjetor 2022, 20:15, Sport CNA

ZYRTARE/ Dështimi në Botëror, Gjermania vendos fatin e Hansi Flik

Dështimi në Botëror pritet të sjellë revolucion te Gjermania, me shumë emra që nuk do të jenë pjesë e saj. Por personi i cili do të vazhdojë në detyrën e trajnerit është Hansi Flik. Ky ka qenë konkluzioni mbledhjes së sotme në Federatën Gjermanë të Futbollit.

Pas rreth dy orësh e gjysmë mbledhje mes Flik, presidenti të DFB, Bernd Nojendorf dhe zëvendëspresidentit Hans-Joakim Vatzke, u vendos që Flik të vazhdonte në detyrën e tij.

“Të gjithë jemi të bindur se Kampionati Europian 2024 në vendin tonë përfaqëson një mundësi të madhe për futbollin në Gjermani. Qëllimi ynë është ta kthejmë këtë turne në një sukses sportiv. Ne kemi besim të plotë te Hansi Flik se ai do ta përballojë këtë sfidë së bashku me ekipin e tij. Në lidhje me pasardhësin e Oliver Birhof, ne kemi rënë dakord që së pari do të diskutojmë strukturën e ardhshme të kësaj fushe të përgjegjësisë brenda DFB-së, në mënyrë që më pas të marrim një vendim për personelin”, theksoi Nojendorf para mediave.

“Unë dhe stafi im jemi optimistë për Kampionatin Europian në vendin tonë. Ne si ekip mund të bëjmë shumë më tepër sesa treguam në Katar. Ne humbëm një mundësi të madhe atje dhe do të nxjerrim mësimet tona nga kjo. Kam besim te rruga e përbashkët në të cilën do të ecim dhe për të cilën kemi rënë dakord sot me Nojendorf dhe Vatzke. Të gjithë duam që e gjithë Gjermania të mblidhet përsëri në mbështetje të kombëtares në Kampionatin Europian të 2024-ës në shtëpi”, tha Flik pas përfundimit të mbledhjes.





Lajmet e fundit nga