web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet stafi i ri drejtues, ja kush do ta drejtojë Totenhemin pas largimit të Kontes

27 Mars 2023, 11:41, Sport CNA

Totenhemi shkarkon Konten. Lajmi ishte në ajër prej ditësh, por mbrëmjen e së dielës ka ardhur edhe zyrtarizimi i prishjes së bashkëpunimit mes palëve.

Klubi londinez sqaron se palët kanë vendosur me marrëveshje divorcin, teksa vendin e Kontes do ta marrë ndihmësi i tij i parë, Kristian Stellini.

Ky i fundit do të ketë si ndihmës Rajan Mason, ndërsa presidenti i Totenhemit, Daniel Levy, bëri thirrje që skuadra të bashkohet për të dhënë maksimumin në 10 ndeshjet që kanë mbetur në kampionat.

Largimi i parakohshëm i Kontes lidhet me shpërthimin e italianit pas ndeshjes me Sauthemptonin, ku akuzoi futbollistët e tij, por edhe klubin, për sjellje joprofesionale…

Konte mori drejtimin e Totenhemit në dimrin e 2021-shit dhe firmosi kontratë të vlefshme deri në qershor të këtij viti, por rezultatet nuk ishin ato të pritshmet dhe palët kishin vendosur të mos rinovojnë.

E ardhmja e Kontes pritet të jetë sërish në Serinë A, ku Juventusi dhe Interi po bëjnë sondazhe për ta rikthyer.





Lajmet e fundit nga