web counter
LEXO PA REKLAMA!

SHKARKO APP

App Store
Google Play

Ylli i Partizanit kërkon largimin, kampionët ngulin këmbë që ta kenë në skuadër

6 Qershor 2023, 13:45, Sport CNA

Matondo do largimin, por kampionët “ngulin këmbë” Partizani duket se nuk ka ndër mend ta lëshojë Masanga Matondon, të paktën për momentin. Klubi i Superligës turke, Hatajspor, është paraqitur në tavolinën e presidentit Demi me një ofertë prej rreth 250 mijë eurosh, teksa ka arritur akordin me lojtarin në lidhje me pagën dhe kushtet e tjera të kontratës.

Në rast transferimi, Madonto do të përfitonte një kontratë disa herë më të lartë se te Partizani, me një shifër, që i afrohet 15 mijë eurove në muaj. Matondo ka kërkuar mirëkuptimin e klubit për t’u larguar, por duket se kjo nuk do të ndodhë. Partizani e konsideron kongolezin si një nga tre lojtarët më të rëndësishëm të skuadrës dhe nuk ka ndër mend të lërë të largohet të paktën para Europës. Nga ana tjetër problem është edhe shifra e transferimit.

Të kuqtë e vlerësojnë “shkatërruesin” të paktën 500 mijë euro, një ofertë, e cila turqve u duket mjaft e lartë në një situatë kur kongolezi mund të largohet si lojtar i lirë pas një viti. Për momentin, vetëm një ofertë e dyfishuar do ta lironte 23-vjeçarin nga kontrata me Partizanin. Situata është mjaft komplekse, pasi historia ka treguar se lojtarët që duan të largohen, është e vështirë të mbahen. Gjithsesi, Partizani ka ngulur shpesh këmbë në të tilla situata.





Lajmet e fundit nga