web counter
LEXO PA REKLAMA!

SHKARKO APP

App Store
Google Play

Nga Messi te Benzema, kush janë 10 yjet që pritet të transferohen në Arabinë Saudite

6 Qershor 2023, 09:15, Sport CNA

Nga Messi te Benzema, kush janë 10 yjet që pritet të transferohen

Një plan me më shumë se 10 yje të futbollit botëror, po hartohet në Arabinë Saudite për të kthyer kampionatin vendas në fokusin e të gjithë sportdashësve. Pas Cristiano Ronaldos, lista me yjet që mund të transferohet në verë është e gjatë, dhe në krye janë Lionel Messi dhe Karim Benzema.

“Pleshtit” argjentinas i është ofruar një kontratë për dy sezone ku do të përfitojë në total 800 milionë euro. Nga ana tjetër një pagë vjetore prej 200 milionë eurosh i është ofruar Karim Benzemasë, por plani nuk përfundon këtu.

Në Arabi kërkojnë të sjellin lojtarë që kryesisht janë shpallur kampion në Champions League ose në Kupën e Botës. Në listën e yjeve që mund të transferohen në Arabi janë gjithashtu edhe emra si Luka Modric, Hugo Lloris, Sergio Ramos, Jordi Alba, Sergio Busquets, N’Golo Kante, Angel Di Maria dhe Roberto Firmino.

Sipas AFP, burime në Arabinë Saudite bëjnë me dije se sheikët kërkojnë të shtojnë konkurrencën në kampionat duke i shpërndarë yjet në ekipe të ndryshme. Për këtë arsye, sezonin e ardhshëm, Cristiano Ronaldo mund të ketë përballë “armiqtë” dhe miqtë me të cilët në Europë ka ndarë skenën më të rëndësishme.





Lajmet e fundit nga