web counter
LEXO PA REKLAMA!

SHKARKO APP

App Store
Google Play

E fundit!

x

U largua nga Kukësi, mesfushori drejt rikthimit te Skënderbeu

8 Dhjetor 2022, 16:21, Sport CNA

U largua nga Kukësi, mesfushori drejt rikthimit te Skënderbeu

Te Skënderbeu po punojnë në dy drejtime. Jo vetëm në fushë, por edhe në zyrë. Prioritet është marrja e maksimumit të pikëve në tri ndeshjet e mbetura të fazës së parë, por jashtë vëmendjes nuk është lënë as merkatoja. Me janarin që po afron, bardhekuqtë duan që të përforcojnë organikën dhe të shtojnë forcën ekipit.

Korçarët janë një hap para për këtë pjesë, pasi kanë nisur tashmë negociatat. Kanë piketuar lojtarët e parë që mund të hyjnë në punë për pjesën e dytë të sezonit.

Kriter i padiskutueshëm është eksperienca, ndaj po tentojnë që të marrin elementë që do t’i japin garanci për misionin “Superiore”.

Emri i parë në listë u zbulua dhe është ai i Randi Dumfur. Mesfushori është lojtar i lirë në treg dhe duket se nuk do të ketë pengesa.

E megjithatë, ganezi nuk është i vetmi “ish” që ka piketuar Ardjan Takaj. Presidenti po ndjek nga afër pistën Agnaldo Moraesh, braziliani, i cili kaloi gjashtë muaj të kënaqshëm në Korçë sezonin që shkoi. Mesfushori nuk gjeti ambientin e duhur te Kukësi dhe për momentin është “free”.

Burime për “Panorama Sport” flasin se menjëherë pas largimit nga veriorët, klubi bardhekuq ka filluar kontaktet me 28-vjeçarin për ta rikthyer në Korçë.

Profili i tij është i njohur te bardhekuqtë, ndërsa edhe vetë Ivan Gvozdenoviç ka dhënë aprovimin për këtë tratativë.





Lajmet e fundit nga