web counter
LEXO PA REKLAMA!

SHKARKO APP

App Store
Google Play

E fundit!

x

Premier League dominon çerekfinalet e Botërorit, ndër klubet spikat Man.United...

8 Dhjetor 2022, 10:39, Sport CNA

Ndjekësit e zakonshëm të Premier League, duhet të jenë të kënaqur, duke parë çerekfinalet e Kupës së Botës. Me 65 lojtarë të pranishëm në këtë fazë të kompeticionit, kampionati anglez është më i përfaqësuari. Një trend tashmë i dukshëm në 2014 (41 lojtarë) dhe 2018 (51).  Për shembull, kombtarja e Francës ka pesë "anglezë" në listën e saj prej 24 lojtarësh (Areola, Lloris, Konaté, Saliba, Varane).

Pavarësisht eliminimit të ‘La Roja’ në 1/16 kundër Marokut, Spanja ka 31 lojtarë që luajnë në ishull. Edhe më e habitshme, Italia, e munguar për edicionin e dytë radhazi në Botëror, është vendi i tretë më i përfaqësuar (25), përpara Francës (20), e cila renditet para Gjermanisë me 18 lojtarë.

Duke studiuar evolucionin klub pas klubi gjatë tri edicioneve të fundit, përparimi i Manchester United është më i habitshmi. Ndërsa ata kishin jo më shumë se katër lojtarë të kombëtare në vitin 2014, ‘Djajtë e Kuq’ kishin 8 në Rusi dhe janë më të pranishmit në Katar (12, përfshirë Cristiano Ronaldon).

Manchester City kishte epërsi këtë vit edhe në dhomën e zhveshjes së “Tre Luanëve”: pesë lojtarë janë nga Citizens (Phillips, Grealish, Foden, Walker, Stones) dhe tre nga Manchester United (Maguire, Shaw, Rashford).

Në Francë, është PSG që dominon, duke shkuar nga 6 lojtarë në 2014 në 8 lojtarë në 2018 dhe 2022. Në Katar, Portugalia është më "pariziene", me Vitinha, Danilo dhe Nuno Mendes. Ata do të përballen me bashkëlojtarin maroken, Achraf Hakimi për një vend në gjysmëfinale. Brazilianët Neymar dhe Marquinhos, Messi (Argjentinë) dhe Mbappé (Francë) kompletojnë kontigjentin e Parisit në këtë Botëror.





Lajmet e fundit nga