web counter
LEXO PA REKLAMA!

SHKARKO APP

App Store
Google Play

Transferimi në Premier League, Gruda: Dua gola dhe asiste, mendoj se është lëvizja e duhur

15 Gusht 2024, 14:23, Sport CNA

Transferimi në Premier League, Gruda: Dua gola dhe asiste, mendoj se

Brajan Gruda është shfaqur i lumtur, pas transferimit në Premier League, te skuadra e Brighton.

Në prezantimin e tij, sulmuesi deklaroi se mendon se ka bërë lëvizjen e duhur dhe pret sa më shumë gola e asiste.

“Sezoni i kaluar në radhët e Mainz ishte i vështirë. Nuk e nisëm siç duhet dhe ndërruam 3 trajnerë rrugës. Kur në krye të ekipi erdhi trajneri Henriksen, unë fillova të aktivizohesha shumë.

Në atë periudhë erdhën edhe golat e asistet e mi, që patjetër më gëzuan. E po ashtu edhe skuadra përmirësoi rezultatet duke arritur objektivin.

Si është Brajani si lojtar? Mendoj se nuk më pëlqen të humbas. Unë jam një driblues dhe kam qejf të hyj në duele. Po ashtu të shënoj dhe të asistoj për shokët.

Trajneri Hurzeler? Më tha që më njeh prej kohësh dhe më ka vëzhguar. Atij i pëlqen mënyra se si unë luaj dhe që jam i përshtatshëm për stilin e tij.

Pozicioni? Unë luaj në krahë, por për mua nuk është aspak e rëndësishme. Mund të luaj edhe si numër 10-të apo 8-të. Mjafton të luaj dhe të jap kontributin tim për ekipin, ku debutimin po e pres me padurim.

Brighton? Mendoj se është lëvizja e duhur për mua. Është një skuadër me djem të rinj dhe besoj se do jetë një kënaqësi të luaj këtu. Po ashtu kam besimin se vitin tjetër do luajmë në Europë.

Objektivi? Sa më shumë gola dhe asiste”, ka përfunduar lojtari me origjinë shqiptare.





Lajmet e fundit nga