web counter
LEXO PA REKLAMA!

SHKARKO APP

App Store
Google Play

E fundit!

x

Tragjedi pas titullit kampion, ylli argjentinas humb nënën dhe motrën në aksident

18 Korrik 2023, 17:06, Sport CNA

Nëna dhe motra e yllit të ekipit argjentias River Plate, Elias Gomez, kanë vdekur në një aksident me makinë në Argjentinë. Klubi i futbollit ndau lajmin tragjik në Twitter mëngjesin e së martës.

Nëna e Gomez, Zunilda, 66 vjeç, dhe motra, Melani, 25 vjeç, thuhet se u vranë menjëherë në një aksident rrugor që përfshin dy makina dhe një kamion. Aksidenti i tmerrshëm ndodhi në kryeqytetin Buenos Aires.

Zunilda dhe Melani ishin kthyer nga festimi i River Plate për të fituar titullin e ligës me Elias, i cili luan si mbrojtës i majtë për klubin.

Makina e çiftit mbeti e shtypur poshtë rimorkios së kamionit, ndërsa automjeti tjetër i përfshirë u përmbys në autostradë. Mediat vendase kanë raportuar se shoferi i kamionit, një 44-vjeçar, u arrestua nga autoritetet.

Klubi i futbollit shkroi në rrjetet sociale : “Ne përqafojmë dhe i gjendemi afër lojtarit tonë Elias Gomez, me dhimbje ndajmë lajmin fatkeq të vdekjes së nënës së tij Zunilda dhe motrës së tij Melani në një aksident.

“Forca, Elias. Gjithë Lumi është me ty”.

Gjigantët e Buenos Aires fituan titullin elitar të Ligës Profesionale të Argjentinës, Primera Division, me dy ditë ndeshje të mbetura, duke përfunduar me një fitore 3-1 në shtëpi ndaj Estudiantes.





Lajmet e fundit nga