web counter
LEXO PA REKLAMA!

SHKARKO APP

App Store
Google Play

E fundit!

x

Tirana turpëron Teutën, Xhixha shkëlqen me tripletë

16 Shtator 2022, 18:04, Sport CNA

Tirana ka arritur të fitojë kundër Teutës me rezultatin 3-0, në kuadër të javës së pestë të Superiores. Bardheblutë s’e kanë diskutuar në asnjë moment triumfin duke arritur avantazhin që në pjesën e parë.

Kampionët e Shqipërisë iu kanë falur tre golave të Redon Xhixhës dhe Florent Hasanit që i dhanë 3 pikë të rëndësishme kryeqytetasve. Pas kësaj ndeshje Tirana ngjitet përkohësisht në vendin e dytë me 8 pikë, kurse Teuta në të nëntin me 3 pikë.

KOMENTI LIVE: 

93′ – Përfundon takimi.

90′- Penallti për Tiranën. E merr përsipër Redon Xhixha i cili realizon golin e tretë personal dhe të katërt për bardheblutë.

82′- Aksion i bukur nga Tirana, por nuk konkretizohet si duhet nga Ardit Hila.

72’ – Gjumsi aktivizohet në vend të Përgjonit në minutat e fundit të sfidës.

70’ – Fejzulla dhe Kapllani futen në fushën e lojës në vend të Hebajt dhe Boçit.

67’ –  Patrick lë fushën e lojës për t’i bërë vend Lulajt te Tirana.

59′- Tjetër gol nga Tirana. Redon Xhixha realizon të tretin. 

49′- Tirana realizon golin e dytë. Asist i bukur i Patrick, Florent Hasani shkund rrjetën durrsake. 
46′- Nis pjesa e dytë. Në fushë Gjinollari për Teutën duke zënë vendin e Idrizajt.

45′- Gjyqtari i katërt jep 2 minuta shtesë.

43′- Tirana në avantazh. Super gol i shënuar nga Redon Xhixha pas një aksioni model të bardhebluve. 

28′- Tjetër rast për Tiranën. Sërish Sherif Kallaku nuk arrin të çojë topin në rrjetë.

20′- Aksion i bukur i Tiranës. Kotobelli gabon në mbrojtje, përfiton Patrick i cili gjuan por topi devijohet nga portieri Qirko. Kallaku tërësisht me portën e boshatisur, gjen shtyllën. 

16′- Teuta sërish pranë golit. Asist i bukur i Idrizajt, gjuan mirë me kokë Hebaj, por Visar Bekaj bën mrekullinë.

7′- Rast i rrezikshëm në portë e Tiranës. Hebaj ka mundësi shënimi, por Bekaj e devijon në këndore. 
1’- Starton ndeshja në Selman Stërmasi.





Lajmet e fundit nga