web counter
LEXO PA REKLAMA!

SHKARKO APP

App Store
Google Play

Tension mes Bonuçit dhe Juventusit, çështja drejt gjyqit

11 Gusht 2023, 15:30, Sport CNA

Tension mes Bonuçit dhe Juventusit, çështja drejt gjyqit

Leonardo Bonuçi nuk është më një i preferuar te Juventusi dhe prej ditësh është përjashtuar nga skuadra e parë. Ish-kapiteni bardhezi po stërvitet me një pjesë tjetër të skuadrës, ku të gjithë janë të konsideruar të tepërt dhe nuk kanë lidhje me oraret në të cilat skuadra e parë zhvillon stërvitjen.

Kjo ka bërë që mes palëve të ketë tension. Avokati i Bonuçit i ka kërkuar klubit që lojtari të rikthehet në skuadrën e parë ose në të kundërt do të duhet që gjërat të shkojnë drejt rrugëve ligjore. Në Itali është miratuar mes klubeve dhe ligës një marrëveshje për mbrojtjen e lojtarit, ku të gjithë lojtarët e regjistruar duhet të jenë në skuadër.

Në këtë mënyrë, Juventusi rrezikon shumë. Paga e Bonuçit arrin në 6 milionë euro në sezon, ku ai ka edhe një vit kontratë. Veç pagës, Juventusi rrezikon të paguajë një dëmshpërblim karshi lojtarit në vlerën e 2 milionë eurove. Tashmë mbetet të shihet se si do të jetë përfundimi i hidhur i një “historie dashurie”.





Lajmet e fundit nga