Supersfida me Interin, habit Spaleti: Në Napoli dëgjoj të flitet për komplot

3 Janar 2023, 16:13, Sport CNA

Luçiano Spaleti e di se Napoli i tij është në rrugën e duhur për të fituar titullin kampion në Itali dhe ndeshja e nesërme ndaj Interit do të jetë një hap shumë i rëndësishëm në rrugën e napolitanëve. Pas shumë ditësh ndërprerje, Seria A kthehet pikërisht me një suspersfidë, por trajneri deklaron se për ekipin e tij, nuk ishte një ndalesë.

“Rrugëtimi ynë ka nisur që kur ka ardhur te Napoli. Nuk kishte ndalesa apo stacione, ne do të ndalemi vetëm kur të dimë se cili është përfundimi”, theksoi ai sot para gazetarëve.

“Ne jemi të ndërgjegjshëm për atë që dimë të bëjmë në fushë dhe mbi të cilin do të zhvillojmë ndeshjet tona të radhës. Ne kemi punuar në thellësi, duke vlerësuar individualisht lojtarët që ishin në Botëror dhe ata që ishin me pushime, kemi marrë përgjigjë të mira, pasi me mendjen kemi qëndruar atu ky ishim”, vijoi trajneri.

Në Napoli ndërkohë kanë filluar të përmenden teori nga më të ndryshmet, të bindur se edhe këtë vit do të gjendet diçka që të ndalë ecurinë e napolitanëve dhe t’u heqë nga duart titullin.

“Për rolin që kemi dhe profesionistë si jemi, ne nuk mendojmë asnjë lloj komploti, të asnjë lloji. Por nëse ju bëni vazhdimisht këto diskutime, është një sinjal se sistemi ynë mund të përmirësohet. Jeni ju gazetarët që më flisni vazhdimisht për dyshime që ndjeni apo perceptoni. Në një moment ku besueshmëria duhet të jetë cilësia jonë e parë, duhet punuar me vëmendje ekstreme, të jemi të aftë në sjelljen tonë, edhe në atë të shkruar, që thuhet apo përdoret, për të mos rritur këto dyshime.

Ne duhet të përdorim dashurinë e Napolit për këtë sport, të përdorim dëshirën tonë për të kënaqur njerëzit që na duan dhe pastaj të luajmë ndeshjet, nuk kemi pse të zgjedhim gjëra të tjera. Gjëja e rëndësishme është të sillemi në mënyrë korrekte. Gjyqtari Soza? Janë të njëjtat diskutime, duhet që të gjithë të sillemi më mirë dhe të mendojmë në mënyrën e duhur”, tha Spaleti, duke bërë thirrje që të lihen pas këto teori, në mënyrë që skuadra të përqendrohej e qetë te ajo që duhej të bënte në fushën e lojës.