web counter
LEXO PA REKLAMA!

SHKARKO APP

App Store
Google Play

E fundit!

x

Statistika e pabesueshme, ja si Brentfordi 55-milionësh turpëroi Junajtidin 425-milionësh

14 Gusht 2022, 11:53, Sport CNA

Mançester Junajtid pësoi një humbje të turpshme 4-0 kundër Brentfordit në javën e dytë të kampionatit anglez. Sikur të mos mjaftonte kjo kanë dalë edhe statistikë të tjera që dënojnë rëndë skuadrën e Ten Hagut.

Asnjë trajner i "Djajve të Kuq" nuk ka humbur dy ndeshjet e para në drejtim të skuadrës që nga John Chapman në nëntorin e vitit 1921.

Dhe pasi ka pësuar katër gola në pjesën e parë të një ndeshje në transfertë për herën e parë në Premier League, Junajtid mban vendin e fundit në renditje për herën e parë që nga 21 gushti i 1992-shit.

Megjithatë, statistika më e pabesueshme mund të jetë ajo e diferencës së madhe të distancës së mbuluar në fushë mes dy skuadrave. Lojtarët e Brentfordit kanë vrapuar për 109.4 km, ndërsa ata të Junajtidit për vetëm 95.6 km.

Duke llogaritur se një lojtar i Premier League vrapon mesatarisht për 10.14 km për ndeshje, paraqitja e lojtarëve të Ten Hagut lë shumë për të dëshiruar.

Gjithashtu, "Sky Sport" ka zbuluar se lojtarët e Brentfordit kanë bërë 90 sprinte në total, një për çdo minutë, ndërsa Junajtid vetëm 65. Jo keq për një ekip 55 milionë sterlinash në ndeshjen e dytë të Premier kundër një skuadre 425-milionëshe me histori të lavdishme.

Nuk është një rastësi që kjo është hera e parë që Junajtid e ka nisur kampionatin me dy humbje radhazi që nga krijimi i Premier League në sezonin 1992/93. Në fakt, tani "Djajtë e Kuq" kanë humbur katër ndeshje radhazi, gjë që nuk ndodhte që nga shkurti i 1979-ës.





Lajmet e fundit nga