web counter
LEXO PA REKLAMA!

SHKARKO APP

App Store
Google Play

Çelsi-Totenhem, derbi i parë i madh i Premier Leagues/ Tuhel, përballë Kontes…

14 Gusht 2022, 10:57, Sport CNA

Në ditën e dytë të Premier League 2022-'23 vjen ky derbi i parë i madh mes dy 'Big Six': Çelsi-Totenhem. Një "Klasike" e Londrës Jugore kundër Veriut. Çelsi, i treti në Premierligën e fundit, e nisi atë aktual duke mundur Evertonin (0-1). Totenhemi, i katërti në 2021-'22, fitoi 4-1 në Sauthemptonin. 

Tomas Tuhel tha se "ne nuk i besojmë" Antonio Kontes, edhe nëse trajneri i Totenhemit jep ndonjë të dhënë për ekipin e tij dhe shtoi, se Spurs arrijnë në ndeshje në formë më të mirë. Konte, një ish-trajner i Çelsit, beson se kjo e diel është "një provë për të parë se ku jemi në të vërtetë".

Nëse Totenhem do të fitonte, kjo do të ishte fitorja e tyre e dytë në ‘Stamford Bridge’ që nga viti 1992 , kur lindi Premier League. Përveç kësaj, 'blutë' fituan pesë ndeshjet e fundit të ligës kundër Spurs. Kjo shënon, sipas Kontes, edhe distancën mes dy skuadrave. Por ky është një tjetër Totenhem.

"Kjo lojë është një vlerësim për ne, për të parë nëse jemi përmirësuar vërtet,"- tha Konte, i cili ishte trajner i Çelsit midis 2016 dhe 2018.

Tuhel pohon se Spurs "kanë pasur një parasezon të qetë dhe duket se ata janë përpara, por të jesh përpara nuk do të thotë se do të fitosh garën". Trajneri i Çelsit shtoi se "një ekip i drejtuar nga Konte lufton gjithmonë për gjithçka".





Lajmet e fundit nga