web counter
LEXO PA REKLAMA!

SHKARKO APP

App Store
Google Play

E fundit!

x

Spikat Teuta-Tirana, ja sfidat e fundit të javës së 14-të

16 Dhjetor 2022, 08:22, Sport CNA

“Abissnet Superiore” mbyll javën e saj të 14-të me tri duele interesante.

Në orën 13:00, Egnatia do të presë në Rrogozhinë Bylisin. Skuadra e drejtuar nga Shpëtim Duro kërkojnë të vazhdojnë me ecurinë pozitive për të siguruar një vend në Europë. Nga ana tjetër, ballshiotët e Bellait duan të bëjnë kthesën në mënyrë që të largohen nga zona e ftohtë.

Po në këtë orë, në stadiumin e Kamzës, Kastrioti pret Vllazninë. Ardian Mema do të debutojë në krye të stolit të krutanëve teksa do të kërkojë që këtë aventurë ta nisë me fitore. Gjithsesi, Vllaznia e Josës nuk do t’ia bëjë të lehtë dhe në këtë mënyrë do të bëj çmos për të marrë tri pikët dhe për të mos e lënë Europën t’i largohet më shumë.

Në orën 15:45, Teuta pret Tiranën në “Niko Dovana”, në një përballje që pritet të jetë e luftuar. Kampionët në fuqi do të kërkojnë t’i rikthehen vendit të parë, që momentalisht e mban Partizani. Por durrsakët duket se janë kthyer me forca të reja nga pushimet e Botërorit, me Edi Martinin që do të kërkojë dhe njëherë të surprizojë për të marrë tri pikët.





Lajmet e fundit nga