web counter
LEXO PA REKLAMA!

SHKARKO APP

App Store
Google Play

Skandali te moshat/ Grushte mes dy ekipeve, Tirana-Partizani kthehet në ndeshje boksi (VIDEO)

5 Tetor 2024, 13:33, Sport CNA

Skandali te moshat/ Grushte mes dy ekipeve, Tirana-Partizani kthehet në

Një ngjarje e turpshme dhe skandaloze është regjistruar te moshat, në derbin mes 19-vjeçarëve të Tiranës dhe atyre të Partizanit.

Të kuqtë e kryeqytetit, triumfuan 3-1, por rezultati kaloi në plan të dytë, për shkak të kaosit të ndodhur në fushë.

Lojtarët ngatërruan sport dhe nga fusha e futbollit, e kthyen në një arenë boksi, ku nuk munguan grushtet dhe shkelmat mes dy ekipeve.

Momenti që nxehu gjakrat ishte ai i minutës së 63-të.  Mitongo i Partizanit nuk i ruajti nervat dhe goditi me gursht kundërshtarin Deda dhe nuk mori ndëshkim me të kuq nga arbitri Daniel Vrapi, ky i fundit edhe pse ishte afër aksionit, e lejoi atë të vazhdonte normalist dhe nuk fali lojtarin e Partizanit.

Megjithatë futbollisti i të kuqve, nuk i shpëtoi dot Disiplinës, që bazuar në pamjet filmike, vendosi ta pezullojë me katër ndeshje pezullim nga aktiviteti.

Situata e tensionuar ishte edhe në fundin e takimit, ku sërish plasi grushti me protagonistë që këtë herë ishin sërish futbollistë të dy ekipeve.

Për këtë, Komisioni i Disiplinës në FSHF, vendosi të pezullojë gjithashtu me katër ndeshjes edhe Artilio Shehin e Tiranës dhe Leon Misjan e Partizanit.

Kontestimet nuk munguan as në përfundim të takimit, ku zyrtarë të Tiranës shpërthyen ndaj arbitrit Vrapi, i cili sipas tyre, nuk mori vendimet e duhura në fushë për të qetësuar situatën.

Kësisoj, Disiplina dënoi jo vetëm trajnerin e portierëve, Blendi Vashaku dhe drejtuesin e akademisë, Grent Halili, por edhe presidentin e Tiranës, Refik Halili, i cili ishte i pranishëm në ato momente.





Lajmet e fundit nga