web counter
LEXO PA REKLAMA!

SHKARKO APP

App Store
Google Play

E fundit!

x

"Dhimbje koke" për Shkëmbin, Tirana synon vazhdimësinë ndaj Teutës

4 Tetor 2024, 13:26, Sport CNA

"Dhimbje koke" për Shkëmbin, Tirana synon

Tirana do të përballet këtë të diel me Teutën, në sfidën e vlefshme për javën e tetë në Superiore. Pas fitores me Skënderbeun, te bardheblutë duan vazhdimësinë dhe në Durrës synohet vetëm triumfi.

Në prag të kësaj përballje, situata te kryeqytetasit nuk është më e mira e mundshme. Trajneri Bledi Shkëmbi është me dhimbje koke, për shkak të mungesave në këtë takim.

Të paktën dy lojtarë do të jenë jashtë për Tiranën. Bëhet fjalë për Soler dhe Valid Zharmuni, të cilët vuajnë dëmtime dhe nuk do të jenë gati për ndeshjen.

Shkëmbi duhet të mendojë për zëvendësuesit. Bajroviç dhe Ndreca, kanë qenë zëvendësuesit e Zharmuni, ndërsa vendi i Soler është marrë nga Meta dhe Tola, dy lojtarë të dalë nga akademia e Tiranës.

Dy lojtarët e dëmtuar janë shumë të rëndësishëm për skemat e trajnerit dhe kjo pritet të hapë jo pak probleme në ekip.

Në Durrës pritet të jetë një takim shumë i luftuar. Tirana dhe Teuta janë dy skuadra që sezonet e fundit kanë luajtur së bashku goxha takime, ku nuk kanë munguar edhe surprizat.

Në dy sezone, skuadrat janë përballur 12 herë. Katër herë në Kupën e Shqipërisë dhe tetë ndeshje në Superiore. Fitoren e fundit në kampionat e ka Teuta 1-2.

Fakt është që bardheblutë nuk fitojnë në Durrës prej 2 marsit 2022 me triumfin 0-2. Asokohe, drejtonte Orges Shehi dhe golat e ndeshjes i shënonte një farë Taulant Seferi.





Lajmet e fundit nga