web counter
LEXO PA REKLAMA!

SHKARKO APP

App Store
Google Play

E fundit!

x

Askush si ai te Liverpool, Slot: Është ende shpejt, shpresoj që të bëj gjëra më të mëdha

3 Tetor 2024, 14:50, Sport CNA
Askush si ai te Liverpool, Slot: Është ende shpejt, shpresoj që
Arne Slot

Livepool ka bërë një nisje shumë të mirë të sezonit të ri, si në Premier League, ashtu edhe në Champions League.

Skuadra e “The Reds” triumfoi edhe në ndeshjen e dytë të Champions-it, teksa mposhti me rezultatin 2-0 Bologna-n, mbrëmjen e së mërkurës në “Anfield”.

Nën drejtimin e trajnerit Arne Slot skuadra e Liverpool-it numëron tetë fitore në nëntë takimet e para sezonale në të gjitha kompeticionet.

Kështu holandezi është bërë trajneri i parë në historinë e Liverpool që fiton tetë nga nëntë ndeshjet e tij të para sezonale që në debutim.

Duke folur për mediet për këtë sukses, tekniku i “The Reds” u shpreh se është shpejt për të folur për arritje, ndërsa shpreson që të arrijë të bëjë gjëra më të mëdha në vazhdim.

“Jam i kënaqur dhe i lumtur. Këtu kanë punuar shumë trajnerë të jashtëzakonshëm, duke bërë kaq shumë gjëra të veçanta. Nuk e di kurrë se për sa kohë do të jem këtu, por shpresoj të bëj gjëra më të veçanta se sa të fitoj tetë nga nëntë ndeshjet e para sezonale. Ne kemi mundësi për më shumë dhe kjo më kënaq, pasi sezoni është i gjatë”,- deklaroi Arne Slot.

Pas raundit të dytë të Champions League, Liverpool renditet në vendin e pestë me gjashtë pikë./CNA





Lajmet e fundit nga