web counter
LEXO PA REKLAMA!

SHKARKO APP

App Store
Google Play

E fundit!

x

Gjimshiti shënon, por e ndjek fati i keq. Atalanta fiton pastër

2 Tetor 2024, 20:37, Sport CNA

Gjimshiti shënon, por e ndjek fati i keq. Atalanta fiton pastër

Berat Gjimshiti ka shënuar golin e parë në Ligën e Kampioneve. Mbrojtësi i Shqipërisë, realizoi në fitoren 3-0 të Atalantës në transfertë ndaj ukrainasve të Shakhtar Donetsk.

Në minutën e 21-të, Gjimshiti shfrytëzoi një krosim të Lukman nga e majta dhe pas një kontrolli të bukur, gjuajti direkt dhe e ndali topin në fundin e rrjetës.

Ky ishte goli i parë në karrierë për shqiptarin në Ligën e Kampioneve, i cili u zëvendësua në fillim të pjesës së dytë, për shkak se ndjente dhimbje. Në orët e ardhshme, do të zbulohet për çfarë dëmtimi bëhet fjalë.

Gjithashtu ishte goli i parë për zikaltërit në Champions për këtë sezon, pas barazimit 0-0 ndaj Arsenalit në raundin e parë.

Sa i përket sfidës, Atalanta shënoi edhe dy herë të tjera, për ta kompletuar fitoren e pastër. Lukman dyfishoi shifrat në minutën e 44-t, ndërsa goli i tretë dhe i fundit u shënuar nga Belanova në startin e pjesës së dytë.

Sukses i rëndësishëm për italianët, që shkojnë në kuotën e 4 pikëve, pas dy ndeshjeve të para.

Në sfidën tjetër që u luajt paralelisht, Feyenoord triumfoi në transfertë ndaj Gironës me rezultatin 3-2, në një përballje emocionuese.

Vendasit e nisën shumë mirë ndeshjen, duke kaluar në avantazh me Lopëz në minutën e 19-të, por u përmbysën shpejt, falë autogolit të Herreras dhe golit të Milambos.

Van de Beek barazoi në pjesën e dytë, por edhe këtë herë zgjati pak, pasi Feyenoord kaloi sërish në avantazh, falë një tjetër autogoli, këtë herë nga Krejci në minutën e 79-të.





Lajmet e fundit nga