web counter
LEXO PA REKLAMA!

SHKARKO APP

App Store
Google Play

E fundit!

x

Humbja ndaj Leverkusen-it, Fonseca fajëson arbitrin: Na mohoi penallti, bëmë lojën më të mirë ndonjëherë

2 Tetor 2024, 12:23, Sport CNA
Humbja ndaj Leverkusen-it, Fonseca fajëson arbitrin: Na mohoi penallti,
Paulo Fonseca

Pas humbjes 1-0 ndaj Bayer Leverkusen-it në takimin e dytë të Champions League mbrëmjen e së martës, trajneri i Milan-it, Paulo Fonseca deklaroi se rezultati u ndikua nga arbitri.

Në deklaratën e dhënë për mediet pas kësaj sfide, Fonseca u shpreh se kjo ishte ndeshja që i ka shijuar më shumë që nga momenti kur ka marrë drejtimin e “kuqezinjve”.

“Ndeshja që e kam shijuar më shumë qëkur kam ardhur te Milan ishte kjo. Kryesisht në pjesën e dytë luajtëm një ndeshje fantastike, krijuam shumë dhe nuk ishte e lehtë kundër një ekipi si Leverkusen. Jemi të trishtuar, të zhgënjyer, por duhet të jemi të ekuilibruar dhe të kuptojmë se çfarë bëmë dhe unë jam i kënaqur jo me rezultatin, por me guximin dhe mënyrën e lojës”, -tha fillimisht ai.

Më tej, tekniku i “Djallit” fajësoi arbitrin e ndeshjes për një penallti që sipas tij nuk iu dha Milan-it.

“Për mua gjëja e çuditshme është se VAR-i nuk ndërhyri. Për mua ishte penallti ajo ndërhyrje ndaj Loftus-Cheek. Arbitrat as nuk e panë situatën, por ndjeva gjatë ndeshjes që arbitri nuk kishte dyshime për të dalë kundër nesh. Nuk më pëlqen të flasim për gjyqtarët, nuk dua të jetë justifikim, por i ndjejmë këto gjëra”, -shtoi ndër të tjera Pauol Fonseca.

Pas dy ndeshjeve të para të Champions League, Milan-i ka njohur vetëm humbje dhe deri më tani ka zero pikë./CNA





Lajmet e fundit nga